सहकार पुरस्कारासाठी जिल्ह्यातील इच्छूक संस्थांनी प्रस्ताव सादर करावेत

रायगड( प्रतिनिधी:- राज्याच्या सहकार चळवळीमध्ये उत्कृष्ट योगदान दिलेल्या राज्यातील सहकारी संस्थांना शासनामार्फत सहकार पुरस्कार देऊन गौरविण्यात येणार आहे. रायगड जिल्ह्यातील महाराष्ट्र सहकारी संस्था अधिनियम 1960 अंतर्गत नोंदणी झालेल्या इच्छूक सहकारी संस्थांनी आपले विहित नमुन्यातील प्रस्ताव कालबध्द कार्यक्रमानुसार दि.02/07/2025 ते 18/08/2025 या मुदतीत संबंधीत सहाय्यक निबंधक सहकारी संस्था यांच्या कार्यालयाकडे आवश्यक कागदपत्रांसह सादर करावेत, असे आवाहन जिल्हा उपनिबंधक सहकारी संस्था, रायगड-अलिबाग प्र.का.जगताप यांनी केले आहे.

सन 2023-24 या आर्थिक वर्षातील कामगिरीच्या आधारावर “सहकार महर्षी” पुरस्कार 1, “सहकार भुषण” पुरस्कार 21 व “सहकार निष्ठ ” पुरस्कार 23 याप्रमाणे सहकार पुरस्कारासाठी संस्थांची निवड करण्यात येणार आहे.

सर्व सहकारी संस्थांच्या पुरस्कारासाठीचे निकष व गुणांचा तपशिल याची सविस्तर माहीती सहकार आयुक्त व निबंधक, सहकारी संस्था, महाराष्ट्र राज्य पुणे यांचे कार्यालयाच्या https://sahakarayukta.maharashtra.gov.in या संकेतस्थळावर तसेच या कार्यालयात उपलब्ध आहेत.

0