अभ्यासिका योजनेचा लाभ घेण्याचे आवाहन
सांगली, प्रतिनिधी: कौशल्य, रोजगार, उद्योजकता व नाविन्यता विभागाच्या करिअर विषयक साहित्य, अभ्यासिका व वेबसाईट विकास या योजनेअंतर्गत जिल्हा कौशल्य विकास, रोजगार व उद्योजकता मार्गदर्शन केंद्र, सांगली कार्यालयामध्ये ग्रंथालय सदृश्य अभ्यासिका सुरु आहे. या अभ्यासिकेमध्ये स्पर्धा परीक्षेची तयारी करण्यासाठी तसेच, करिअरविषयक मार्गदर्शन करण्याबाबतची पुस्तके, मासिके व वर्तमान पत्रे उपलब्ध करुन देण्यात येतात. जिल्ह्यातील इच्छुक उमेदवारांनी या ग्रंथालय सदृश्य अभ्यासिकेचा जास्तीत जास्त लाभ घ्यावा, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राच्या सहाय्यक आयुक्त श्रीमती इनुजा शेख यांनी प्रसिद्धीपत्रकाद्वारे केले आहे.
अधिक माहितीसाठी, जिल्हा कौशल्य विकास, रोजगार व उद्योजकता मार्गदर्शन केंद्र, मध्यवर्ती प्रशासकीय इमारत, तळमजला, विजयनगर, सांगली येथे संपर्क साधावा. संपर्क क्रमांक ०२३३ २९९०३८३
00000
