प्रियदर्शनी कॉलनी संभाजीनगर येथे महानगरपालिकेचे आरोग्य केंद्र सुरू करा- भाजपा जिल्हाध्यक्ष भास्कर आबा दानवे

जालना, द (प्रतिनिधी) – प्रियदर्शनी कॉलनी, संभाजी नगर लक्कडकोट परिसरात महानगरपालिकेचे आरोग्य केंद्र सुरू करण्यात यावे अशी मागणी भाजपा जालना महानगर जिल्हाध्यक्ष भास्कर आबा दानवे यांनी महानगरपालिका आयुक्त यांच्याकडे केली आहे.यावेळी निवेदनात म्हटले आहे की, जालना शहरातील प्रियदर्शनी कॉलनी, संभाजी नगर, लक्कडकोट, पासी चौक, कांबळेचा मळा, माणिक नगर, शिवाजी नगर म्हाडा कॉलनी, ढवळेश्वर, शेर सवार कॉलनी, भोकरदन नाका, सकलेचानगर, जिजामाता कॉलनी, ढवळेश्वर, हिंद नगर, शिक्षक कॉलनी अशा अनेक वसाहतींत हजारो नागरिक वास्तव्यास आहेत. या सर्व भागांचा मुख्य केंद्रबिंदू संभाजी नगर परिसर असूनदेखील येथे एकही आरोग्य सेवा केंद्र नाही. स्थानिक नागरिकांना लहान-मोठे आजार झाल्यास उपचारासाठी मोठ्या घाटी रुग्णालयात किंवा खासगी दवाखान्यात जावे लागते. गरीब नागरिकांना उपचारासाठी लागणारा खर्च परवडत नाही, तर घाटी रुग्णालयात रांगा आणि विलंबामुळे वेळेत उपचार मिळत नाहीत. त्यामुळे परिसरात महानगरपालिकेचे आरोग्य केंद्र सुरू झाल्यास नागरिकांना मोठा दिलासा मिळेल, असे भाजपा जालना महानगर जिल्हाध्यक्ष भास्कर आबा दानवे यांनी सांगितले आहे.

यावेळी भाजपा शाखा अध्यक्ष राजेस देसार, उपाध्यक्ष अनिल नवमहलकर, सचिव शेखर पवार, सागर घुगे, विकास नखलव, पुरुषोत्तम सोसे, कृष्णा नखलव आदींची उपस्थिती होती.lबाबासाहेब पाटील कोलतेप्रसिद्धीप्रमुख