सर्व्हरमधील तांत्रिक बिघाडामुळे नमुंमपा परिवहन उपक्रमाची आयटीएमएस प्रणाली तात्पुरती बंद-बस ट्रॅकर ॲपवर परिणाम

     नवी मुंबई प्रतिनिधी-  नवी मुंबई महानगरपालिका परिवहन उपक्रमाच्या आयटीएमएस (ITMS – Integrated Transport Management System) सर्व्हरमध्ये अचानक तांत्रिक बिघाड निर्माण झाल्याने एनएमएमटी ची बस ट्रॅकर ॲप सेवा (NMMT Bus Tracker App) सेवा सद्यस्थितीत बंद झाली आहे. त्यामुळे प्रवाशांना या ॲपद्वारे बसगाड्यांविषयी माहिती ट्रॅक करता येत नाही व त्यांच्या ठिकाणांबाबतची माहिती उपलब्ध होत नाही.

            सदर तांत्रिक अडचण दूर करण्यासाठी एनएमएमटीचा आयटीएमएस विभाग कार्यवाही करीत असून तांत्रिक टीममार्फत एनएमएमटी बस ट्रॅकर ॲप प्रणाली पुन्हा सुरळीत व सुरक्षितपणे कार्यान्वित करण्यासाठी आवश्यक सुधारणा करण्यात येत आहेत. अचानक उद्भवलेल्या या तांत्रिक अडचणीमुळे प्रवाशांना होणा-या असुविधेबद्दल नवी मुंबई महानगरपालिका परिवहन उपक्रमामार्फत दिलगिरी व्यक्त करण्यात येत असून सदर आयटीएमएस प्रणाली लवकरात लवकर पूर्ववत कार्यान्वित होईल असे सर्व प्रवासी व नागरिक यांना नमुंमपा परिवहन प्रशासनाकडून कळविण्यात येत आहे.

0000