माजी सैनिक, पत्नी, पाल्यांना विशेष गौरव पुरस्कार; अर्ज मागविले
छत्रपती संभाजीनगर, प्रतिनिधी – राष्ट्रीय आंतरराष्ट्रीय पातळीवर विविध क्षेत्रात उल्लेखनीय कामगिरी बजावलेल्या माजी सैनिक, त्यांच्या पत्नी, पाल्य यांना विशेष गौरव पुरस्कार देण्यात येतो. जिल्ह्यातील पात्र इच्छुकांकडून अर्ज मागविण्यात आले आहेत, असे जिल्हा सैनिक कल्याण अधिकारी यांनी कळविले आहे.
माजी सैनिक, त्यांच्या पत्नी, विधवा, पाल्य यांनी राष्ट्रीय आंतरराष्ट्रीय पातळीवर क्रीडा, साहित्य, संगित, गायन, वादन नृत्य आदी क्षेत्रात तसेच उद्योग, संगणक, पुर, अग्नितांडव, अपघात अशा आपत्तीत मोलाची कामगिरी बजावली असल्यास त्यांना पुरस्कार देण्यात येतो. पुरस्काराचे स्वरुप याप्रमाणे-
राष्ट्रीय पातळीवरील कामगिरी- २५ हजार रुपये, आंतरराष्ट्रीय पातळीवरील कामगिरी-५० हजार रुपये, १० वी, १२ वी परिक्षांमध्ये ९० /८५ टक्क्यांपेक्षा जादा गुण-२० जार रुपये, पदवी पदव्युत्तर परीक्षेत प्रथम क्रमांक-२५ हजार रुपये, आयआयटी, आयआयएम, एआयआयएमएस सारख्या संस्थेत प्रवेश मिळालेले पाल्य-एक लक्ष रुपये.
पात्र व इच्छुक व्यक्तिंनी आपले अर्ज जिल्हा सैनिक कल्याण कार्यालय, नंदनवन कॉलनी, छत्रपती संभाजीनगर येथे दि.२० सप्टेंबर पर्यंत जमा करावे, असे जिल्हा सैनिक कल्याण अधिकारी, छत्रपती संभाजीनगर यांनी कळविले आहे. संपर्क-२४०-२३७०३१३.
०००००
