मुंबईच्या प्रगतीला मिळाली नवी गती.मेट्रो मार्गिका २बच्या १अ टप्प्यातील चेंबूर मेट्रो स्थानक आता प्रवाशांच्या सेवेत दाखल
मुंबई प्रतिनिधी-
मुंबईतील पूर्व उपनगरांतील सार्वजनिक वाहतूक व्यवस्थेला अधिक मजबूत आणि सक्षम करण्याच्या दृष्टीने मेट्रो मार्गिका २बच्या १अ टप्प्यातील चेंबूर मेट्रो स्थानक आता प्रवाशांच्या सेवेत दाखल झाले आहे.
चेंबूर उपनगरीय रेल्वे स्थानक आणि चेंबूर मोनोरेल स्थानकाशी जोडणी उपलब्ध करून देणारे हे स्थानक भविष्यातील महत्त्वपूर्ण बहुविध वाहतूक केंद्र म्हणून विकसित काण्यात आलं आहे. यामुळे मुंबईकरांसाठी दररोजचा प्रवास आणि एका वाहतूक सेवेतून दुसऱ्या सेवेत बदलणे अत्यंत सोपे व सोयीस्कर होणार आहे.
पूर्व द्रुतगती महामार्ग, सायन–पनवेल महामार्ग, ईस्टर्न फ्रीवे आणि सांताक्रूझ–चेंबूर लिंक रोड यांसारख्या प्रमुख मार्गांच्या जवळ असल्यामुळे चेंबूरसह आसपासच्या भागातील नागरिकांना अधिक जलद, सुरक्षित आणि विश्वासार्ह सार्वजनिक वाहतुकीचा पर्याय उपलब्ध झाला आहे.
