महाराष्ट्र आणि कर्नाटक यांच्यातील सीमावाद:कर्नाटकच्या बसेसला काळे फासले, लिहिले ‘जय महाराष्ट्र मनसे चे आंदोलन.
मुंबई प्रतिनिधी
महाराष्ट्र आणि कर्नाटक यांच्यातील सीमा विवाद सुरू असतानाच आता मात्र याच्या मध्ये महाराष्ट्र नवनिर्माण सेनेने ही उडी घेतलेली आहे सीमा विवाद याच्यावर लवकर निर्णय न झाल्यास आणि परिस्थिती सुधारली नाही तर कर्नाटकच्या बसेस जिल्ह्यात धावू देणार नाही, असे मनसेचे म्हणणे आहे.
महाराष्ट्र आणि कर्नाटक यांच्यातील सीमावाद सातत्याने वाढत आहे. मंगळवारी कर्नाटकातील बेळगावी जिल्ह्यात महाराष्ट्र नंबर प्लेट असलेली वाहने थांबवून त्यांना लक्ष्य करण्यात आले. कर्नाटकमध्ये महाराष्ट्राच्या ट्रकवर दगडफेक करण्यात आली. त्यानंतर आता सिंधुदुर्गात मनसे कार्यकर्त्यांनी कर्नाटक बसेसवर ‘जय महाराष्ट्र’ लिहून घडलेल्या गोष्टीचा निषेध केला. आज महाराष्ट्र नवनिर्माण सेना सिंधुदुर्गच्या वतीने माजी जिल्हाध्यक्ष धीरज परब यांच्या नेतृत्वाखाली हा निषेध करण्यात आला. परिस्थिती सुधारली नाही तर कर्नाटकच्या बसेस जिल्ह्यात धावू देणार नाही, असे मनसेचे म्हणणे आहे. तसेच पुण्यातील मुंबई बंगलोर महामार्गावर कर्नाटकच्या दिशेने जाणारी बस रोखून मनसेने आंदोलन केले. कर्नाटकच्या बसेसला काळे फासण्यात आले.
