बाल धोरण प्रारुप मसुद्यासाठी हरकती व सुचना सादर कराव्यात..

 

 

 

             जालना, प्रतिनिधी :- महिला व बाल विकास विभागांतर्गत बाल धोरणाचा प्रारुप मसुदा तयार करण्यासाठी तज्ञ व्यक्ती व शासनाचे अधिकारी यांचा समावेश असलेली समिती गठित करण्यात आलेली होती. प्रस्तावित महाराष्ट्र राज्य बाल धोरण व कृती आराखडा-2022 च्या संदर्भाने नागरिकांच्या हरकती व सूचना दि. 30 जुन 2024 रोजी सायंकाळी 6.15 वाजेपर्यंत महिला व बाल विकास आयुक्तालय, पुणे-01 या पत्त्यावर अथवा childpolicy@gmail.com या ई-मेलवर पाठविण्यात याव्यात, असे आवाहन महिला व बाल विकास आयुक्त डॉ. प्रशांत नारनवरे यांनी केले आहे.

 

महिला व बाल विकास विभागांतर्गत बाल धोरणाचा प्रारुप मसुदा तयार करण्यासाठी तज्ञ व्यक्ती व शासनाचे अधिकारी यांचा समावेश असलेली समितीने महाराष्ट्र राज्य बाल धोरण व कृती आराखडा- 2022 मसुदा तयार केलेला आहे. सदर प्रस्तावित बाल धोरण व कृती आराखडा -2022 हा इंग्रजी व मराठी भाषेमध्ये शासनाचे https://womenchild.maharashtra.gov.in व https://www.wcdcommpune.com या संकेतस्थळावर प्रसिध्द करण्यात आलेला आहे. तरी सदर प्रस्तावित बाल धोरण हे मुळामध्ये इंग्रजी भाषेमध्ये तयार करण्यात आलेला असून त्याचे मराठी भाषेमध्ये भाषांतर करण्यात आलेले आहे. या बाल धोरण व कृती आराखड्यामध्ये आवश्यक बावी, सुचना, सुधारणा तसेच मराठी भाषेमध्ये भाषांतर करण्यात आलेल्या मसुद्यामध्ये शब्दरचना, व्याकरण या संदर्भाने हरकती व सुचना नागरिकांकडून मागविण्यात आल्या आहेत. असे जिल्हा महिला व बाल विकास अधिकारी, जालना यांनी प्रसिध्दीपत्रकाद्वारे कळविले आहे.