लेबनॉनच्या बैरुतमधील साखळी स्फोटांमध्ये हेझबुल्लाच्या समर्थकाचे पेजरचे स्फोट झाल्याचे वृत्त आहे …
विदेश प्रतिनिधी
लेबनॉनमध्ये झालेल्या साखळी स्फोटांमध्ये हजारच्या वर जण जखमी झाले आहेत. त्यात काही नऊ लोक मृत्युमुखी पडल्याची माहिती सूत्रांकडून मिळत आहे दक्षिण लेबनॉन आणि राजधानी बैरुतमधील अनेक ठिकाणी स्फोट झाले. या घटनेची लेबनॉनच्या इतिहासातील ‘सुरक्षेतील मोठी चूक’ मानली जात आहे. स्थानिक वेळेनुसार ही घटना दुपारी पावणे चारच्या सुमारास घडली. एकापाठोपाठ एक अनेक स्फोट झाले.
हेझबुल्लानं स्फोटांच्या मालिकेनंतर अधिकृत प्रतिक्रिया दिली आहे. त्यात त्यांनी या स्फोटांमागे इस्रायल असल्याचा संशय व्यक्त केला आहे. या स्फोटांच्या मालिकेत एका मुलीसह आठ जण मारले गेल्याचं सांगण्यात आलं आहे. काही माध्यमांनी दिलेल्या वृत्तानुसार, जखमींची संख्या १०० ते १५० आहे. त्यात इराणचे राजदूतदेखील असल्याची माहिती आहे. पेजर्समधील लिथियम बॅटरी अधिक तापल्यानं स्फोट झाले असावेत, अशी शक्यता असोशिएट प्रेसनं सुत्रांच्या हवाल्यानं वर्तवली आहे.
