बोईसर येथे कलाकारांची कार्यशाळा संपन्न
सुरेश गायकवाड पालघर येथून
मुंबई- पालघर जिल्ह्यातील बोईसर येथील सरावली साईधाम द्वारकेश नगरच्या रोहाऊस क्रमांक ७ येथे कलाकारांची कार्यशाळा आर.जे. सिने वर्ल्डचे निर्माता, दिग्दर्शक, लेखक रुपेश जाधव आणि सहकाऱ्यांनी आयोजित केली होती. ती कार्यशाळा संपन्न झाल्याने स्नेहसंमेलनासह पत्रकार परिषद ही घेण्यात आली. त्यावेळेस प्रमुख पाहुणे म्हणून विरार पो. ठाणेचे बीट इन्चार्ज रमेश शिंदे, डॉ .तायडे ॲङ प्रविण असर्गेकर, आवाज इंडियाचे पत्रकार विनोद कांबळे, छायाचित्रकार उबाळे, पोलीस टाइम्सचे पत्रकार सुरेश गायकवाड, तुफान एक्सप्रेसचे संपादक ज्ञानेंद्र पांडे, त्यांचे सहकारी जेपी जैस्वाल आदी मान्यवर उपस्थित होते.
यावेळेस आर .जे . सिने वर्ल्डचे निर्माता, दिग्दर्शक, लेखक रुपेश जाधव म्हणाले की, या कार्यशाळेत जवळजवळ ३ महिने कलाकारांची कार्यशाळा घेण्यात आली त्यात जवळपास ८० कलाकारांनी सहभाग घेतला होता. त्या सहभाग घेतलेल्या कलाकारांचा अभिनय पाहून त्यांना येणाऱ्या आगामी चित्रपटात भूमिका सादर करावयास मिळणार आहे. आणि जवळपास १०० हून अधिक कलाकार असणार आहे.
याशिवाय ज्या कलाकारांनी यापूर्वी चित्रपटात, टिव्ही मालिकांमध्ये छोटे मोठे कामे केली आहेत. असे अनुभवी कलाकार सोबत असणार आहेत. त्यात विद्या सूर्यवंशी, वरुण राठोड, विनोद सिंग, जयनिशा, टारझन कुमार, लक्ष्मी राठोड, असे मुरब्बी कलाकार एकत्र येऊन काम करणार असल्याचे त्यांनी सांगितले.
महिलांवर लहानपणापासून ते वयोवृद्धापर्यंत बलात्कार, खून, मारझोड आदी अन्याय अत्याचार होत आहेत हे अन्याय अत्याचार होऊच नये याविषयासंबंधी हा चित्रपट प्रदर्शित होणार असल्याचे त्यांनी सांगितले.
ह्या वेळेस अनेक अनुभवी कलाकारांनी आपले मनोगत व्यक्त करून पाहुण्यासह मान्यवरांनी आपले विचार व्यक्त करूनआर . जे .वर्ल्डचे निर्माता, दिग्दर्शक, लेखक रुपेश जाधव आणि त्यांच्या सर्व टिमचे अभिनंदन करून शुभेच्छा व्यक्त केल्या.
