मुंबई उच्च न्यायलयाचे 48 वे न्यायमूर्ती म्हणून आलोक आराधे शपथबद्ध झाले
मुंबई प्रतिनिधी-
मुंबई उच्च न्यायालयाच्या मुख्य न्यायमूर्ती पदी आलोक आराधे नेमणूक झाली आहे. राज्यपाल सी.पी.राधाकृष्णन यांनी आज (21 जानेवारी) त्यांना न्यायमूर्ती पदाची शपथ दिली आहे
आलोक आराधे यांची आज मुंबई उच्च न्यायालयाच्या मुख्य न्यायमूर्ती पदी नेमणूक झाली आहे. राज्यपाल सी.पी.राधाकृष्णन यांनी त्यांना न्यायमूर्ती पदाची शपथ दिली आहे. राजभवनात हा कार्यक्रम पार पडला आहे. या शपथविधी सोहळ्याला उपमुख्यमंत्री एकनाथ शिंदे, उपमुख्यमंत्री अजित पवार, विधानसभा अध्यक्ष राहुल नार्वेकर, कौशल्य विकास मंत्री मंगलप्रभात लोढा उपस्थित होते. मुंबई उच्च न्यायालयाचे मुख्य न्यायमूर्ती देवेंद्र कुमार उपाध्याय यांची दिल्ली उच्च न्यायालयाचे मुख्य न्यायमूर्ती म्हणून बदली झाल्यानंतर न्या.आलोक आराधे यांची नेमणूक झाली आहे. ते यापूर्वी तेलंगणा उच्च न्यायालयाचे मुख्य न्यायमूर्ती होते.
