घाटकोपरच्या झुनझुनवाला कॉलेजमध्ये समर्थन संस्थेच्या वतीने दिव्यांग आणि आर्थिकदृष्टया दुर्बळ युवकांसाठी रोजगार मेळाव्याचे आयोजन
( सुरेश गायकवाड ) प्रतिनिधी
मुंबई- घाटकोपरच्या झुनझुनवाला कॉलेजमध्ये समर्थनम् संस्थेच्यावतीने दिव्यांग आणि आर्थिकदृष्ट्या दुर्बळ युवक युवतीसाठी भव्य रोजगार मिळाव्याचे आयोजन दि. ७ फेब्रुवारी २०२५ रोजी करण्यात आले असल्याचे या संस्थेचे क्षेत्रिय अधिकारी जितेंद्र कर्णिक यांनी सांगितले आहे,
या संस्थेने जवळजवळ हजारो युवक युवतीसाठी रोजगार मिळवून देण्यासाठी प्रयत्न केला आहे. आणि हा प्रयत्न सातत्याने सुरु आहे. या माध्यमातून ह्या सर्व युवकांना रोजगार उपलब्ध करुन देताना त्यांचा आत्मविश्वास कसा वाढवता येईल, त्यांना जगण्याची प्रेरणा कशी मिळेल हा मनी भाव ठेवून संस्था कार्यरत आहे.
या संस्थेने मार्फत विनामूल्य संगणक प्रशिक्षण, इंग्लिश स्पिकिंग स्कील प्रशिक्षण दिले जाते. याशिवाय या संस्थेमध्ये विनामूल्य जेवण दिले जाते. तसेच निवासाची सोय आहे.अशा संस्थेमध्ये योगदान देणारे उच्चशिक्षित ऋषिकेश पवार, तेजल हांडे, मानसी माऊकर, शिवशंकर आदी सारखे युवक युवती सर्मपण भावनेने कार्यरत असताना दिसून येईल असे त्यांनी सांगितले.
