दत्त जयंती निमीत्त श्री गुरुचरिञ पारायण सप्ताहाची महाप्रसादाने सांगता
बुलडाणा, प्रतिनिधी-येथील राजे संभाजी नगर स्थित श्री संत गंगामाई स्थापीत जागृत श्री दत्त मंदीर येथे सालाबादाप्रमाणे यंदाही श्रीदत्त जयंती निमीत्त श्री गुरुचरीञ पारायण सप्ताहाचे आयोजन करण्यात आले होते. या सप्ताहाची आज (दि.६) डिसेंबर रोजी महाप्रसादाने सांगता करण्यात आली.
श्री दत्त मंदीर येथे (दि.२८) नोव्हेंबर ते (दि.५) डिसेंबर दरम्यान विविध धार्मिक कार्यक्रमाचे आयोजन करण्यात आले. दररोज सकाळी ८ ते १० श्री सत्यदत्त पुजा व अभिष्ज्ञेक, सप्तशक्ती पाठ, सकाळी १० ते दुपारी ३ श्री गुरुचरिञ पारायण व सायंकाळी ६.३० ते ७ नामस्मरण, आरती. (दि.२८) नोव्हेंबर रोजी ३ ते ६ श्रीराम जानकी महिला भजनी मंडळ बुलढाणा, रात्री ८ ते १० पो.कॉ. श्रीकृष्ण चव्हाण व सहकारी धामणगाव बढे, (दि.२९) नोव्हेंबर दुपारी ३ ते ६ श्री गजानन महिला भजनी मंडळ आणि संच, रात्री ८ ते १० सुयोग भजनी मंडळ आणि संच यांचे किर्तन, (दि.०४) डिसेंबर रोजी श्री गणपती मंदीर सराफा लाईन बुलढाणा यांची काकड आरती पार पडली. सायंकाळी ४ ते ६ हभप अनंत महाराज चिंचोळकर यांचे दत्तजन्म उत्सव व त्यानंतर सायंकाळी ५.४६ वाजता पालखी मिरवणूक, पाळण व आरती, सायंकाळी ७ ते १० मिरवणूक, (दि.०५) डिसेंबरला दुपारी ४ ते ६ गोपाळकाला प्रित्यथ हभप अनंत महाराज चिंचोळकर बुलडाणा यांचे काल्याचे किर्तन पार पडले. आज शनिवारी (दि.०६) डिसेंबर रोजी श्री गुरुचरीञ पारायण सप्ताहाची वरण, भात, पोळी, भाजी, गोड शिऱ्याच्या प्रसादाचे वितरण करण्यात करुन सांगता करण्यात आली. यावेळी असंख्य दत्त भक्तगण व भाविकांनी महाप्रसादाचा लाभ घेतला. सोहळ्याला श्रीदत्त मंदीर ट्रस्ट, बुलडाणा व समस्त दत्त भक्तगण मंडळींनी परिश्रम घेतले.
