दहा डिसेंबर सकाळी एक वाजेपासून संध्याकाळी पाच वाजेपर्यंत मेगा ब्लॉक-मध्य रेल्वेने कल्याण आणि लोणावळा स्थानकांदरम्यान आवश्यक पायाभूत सुविधांच्या दुरुस्ती आणि जतनासाठी एक विशेष अभियांत्रिकी ब्लॉक जाहीर
राज्य प्रतिनिधी –
मध्य रेल्वेने कल्याण आणि लोणावळा स्थानकांदरम्यान आवश्यक पायाभूत सुविधांच्या दुरुस्ती आणि जतनासाठी एक विशेष अभियांत्रिकी ब्लॉक जाहीर केला आहे. दहा डिसेंबर सकाळी एक वाजेपासून संध्याकाळी पाच वाजेपर्यंत मेगा ब्लॉक असेल. हा ब्लॉक दक्षिण-पूर्व मार्गावरील महत्त्वाच्या सेक्शनवर घेण्यात येणार असल्याने, मुंबईहून पुणे, सोलापूर आणि दक्षिण भारताकडे जाणाऱ्या तसेच येणाऱ्या अनेक एक्स्प्रेस आणि लांब पल्ल्याच्या गाड्यांच्या वेळापत्रकावर गंभीर परिणाम होणार आहे. या मेगा ब्लॉकमुळे अनेक एक्स्प्रेस गाड्या रद्द करण्यात आल्या असून, उर्वरित गाड्यांच्या वेळापत्रकात मोठे फेरबदल करण्यात आले आहेत. प्रवाशांनी प्रवास करण्यापूर्वी मध्य रेल्वेच्या अद्ययावत वेळापत्रकाची माहिती घेणे अत्यंत आवश्यक आहे.
मध्य रेल्वेने हा विशेष ब्लॉक रेल्वे मार्गाची सुरक्षा आणि कार्यक्षमता वाढवण्यासाठी घेतला आहे. मार्गावरील जुन्या ट्रॅकचे नूतनीकरण, सिग्नल प्रणालीची आधुनिकता आणि अत्यावश्यक अभियांत्रिकी कामांसाठी हा खंड आवश्यक असतो.
