एचआयव्ही बाधीत औषधोपचारांपासून वंचित राहणार नाही याची दक्षता- जिल्हाधिकारी संतोष पाटील
सातारा द प्रतिनिधी : जिल्ह्यातील एचआयव्ही बाधीत औषधोपचारांपासून वंचित राहणार नाही याची दक्षता घेऊन बाधीतांचे मृत्युचे प्रमाण कमी करावे, असे निर्देश जिल्हाधिकारी संतोष पाटील यांनी दिले. जिल्हाधिकारी कार्यालयात जिल्हाधिकारी श्री. पाटील यांनी आरोग्य विभागाच्या कामकाजाचा आढावा घेतला. या आढावा बैठकीला जिल्हा शिल्यचित्सिक डॉ. राहुल जाधव, जिल्हा आरोग्य अधिकारी महेश खलीपे यांच्यासह आरोग्य विभागातील अधिकारी उपस्थित होते.
एचआयव्ही बाधीत रुग्ण खासगी रुग्णालयात उपचार घेतल आहे त्यांचीही आकडेवारी घ्यावी, असे निर्देश देऊन जिल्हाधिकारी श्री. पाटील म्हणाले, लहान मुलांसाठी असणाऱ्या गोवर व रुबेला लसीकरणाची माहीती घ्यावी. माझं गाव आरोग्य संपन्न हे अभियान सुरु आहे. या अभियानात जास्तीत जास्त ग्रामपंचायतींचा सहभाग घ्यावा. अभियानात आपला जिल्हा अग्रेसर राहील असे काम करावे. तसेच आदर्श प्राथमिक आरोग्य केंद्रांची उर्वरित कामे तातडीने पूर्ण करावीत, असेही निर्देश जिल्हाधिकारी श्री. पाटील यांनी दिले.
000
