बृहन्मुंबई महानगरपालिका आयुक्त श्रीमती अश्विनी भिडे यांनी प्रत्यक्ष भेट देऊन नाल्यातून गाळ काढण्याच्या कामांची पाहणी…
मुंबई प्रतिनिधी-बृहन्मुंबई महानगरपालिका आयुक्त श्रीमती अश्विनी भिडे यांनी घाटकोपर (पूर्व) येथील लक्ष्मीबाग नाला आणि सोमय्या नाला येथे आज सकाळी प्रत्यक्ष भेट देऊन नाल्यातून गाळ काढण्याच्या कामांची पाहणी केली
दिनांक 31 मे 2026 पर्यंत नाल्यातून गाळ काढण्याची संपूर्ण कामे पूर्ण करावीत. विहित कालावधी विचारात घेता अधिकचे मनुष्यबळ व दिवस रात्र कामे सुरू ठेवावीत. गाळ काढण्याची कामे गुणवत्तापूर्ण व्हावी याची दक्षता बाळगावी, असे निर्देश श्रीमती भिडे यांनी दिले.
उपायुक्त (महानगरपालिका आयुक्त कार्यालय) श्री. प्रशांत गायकवाड, उपायुक्त (घनकचरा व्यवस्थापन) श्री. किरण दिघावकर, उपायुक्त (परिमंडळ 6) श्री. संतोष कुमार धोंडे, सहाय्यक आयुक्त श्री. मारुती पवार, प्रमुख अभियंता (पर्जन्य जलवाहिनी विभाग) श्री. सुनील दत्त रसाळ यांच्यासह संबंधित अधिकारी उपस्थित होते.
