⚖️🚨 *परवान्याचा गैरवापर; जनबंधू स्केल सर्व्हिसेसचा विक्री परवाना निलंबित* 🚨⚖️📍 *वैध मापन शास्त्र विभागाची कारवाई*
📰 *गडचिरोली, प्रतिनिधी :* इलेक्ट्रॉनिक वजन काटे विक्री व सेवा क्षेत्रात कार्यरत असलेल्या *जनबंधू स्केल सर्व्हिसेस, चामोर्शी* या संस्थेवर वैध मापन शास्त्र विभागाने कठोर कारवाई करत त्यांचा विक्री परवाना निलंबित केला आहे. ❌⚖️👉 संबंधित संस्थेकडून अधिकार नसताना लहान दुकानदारांकडे जाऊन वजन काट्यांची पडताळणी व मुद्रांकन करून देण्याच्या नावाखाली रक्कम घेतल्याचे तपासात निष्पन्न झाल्यानंतर ही कारवाई करण्यात आली आहे.
📋 वैध मापन शास्त्र विभागाचे उपनियंत्रक *जितेंद्र मोरे* यांच्या आदेशानुसार *जनबंधू स्केल सर्व्हिसेस, चामोर्शी* प्रोप्रायटर *अमोल नोमेश्वर जनबंधू* यांचा विक्री परवाना क्रमांक *LM/GDL/LD/018* दिनांक *२९ एप्रिल २०२६* पासून निलंबित करण्यात आला आहे.
🔍 तपासादरम्यान संबंधित परवानाधारकाने वैध मापन शास्त्र अधिनियम व परवान्याच्या अटींचा भंग केल्याचे आढळून आले.
⚠️ वैध मापन शास्त्र विभागाच्या माहितीनुसार, संबंधित संस्थेला केवळ इलेक्ट्रॉनिक वजन काट्यांच्या विक्रीचा परवाना देण्यात आला होता. मात्र, त्यांनी अधिकृत अधिकार नसताना विविध किरकोळ दुकानदारांकडे जाऊन वजन काट्यांची पडताळणी, मुद्रांकन व प्रमाणिकरण करून देण्याचे सांगत त्याबदल्यात रक्कम स्वीकारल्याचे समोर आले.
🏪⚖️ वजन काट्यांचे अधिकृत पडताळणी व मुद्रांकन करण्याचा अधिकार केवळ वैध मापन शास्त्र विभागाकडे असताना अशा प्रकारे नागरिकांची व व्यापाऱ्यांची दिशाभूल करण्यात आल्याचे स्पष्ट झाले आहे.
📢 या पार्श्वभूमीवर वैध मापन शास्त्र विभागाचे निरीक्षक *आर.एन. फुलझेले* यांनी नागरिक, व्यापारी व ग्राहकांनी वजन माप पडताळणी अथवा मुद्रांकन प्रक्रिया अधिकृत शासकीय यंत्रणेमार्फतच करून घ्यावी, असे आवाहन केले आहे. ✅
