दसऱ्याच्या शुभमुहूर्तावर स्पोर्टिंग क्लब कमिटीच्या क्रिकेट हंगामाचा श्रीगणेशा
ठाणे – प्रतिनिधी-
विजयादशमीच्या मंगलमय पर्वाचे औचित्य साधतते स्पोर्टिंग क्लब कमिटी, ठाणे यांच्या नव्या क्रिकेट हंगामाचा शुभारंभ उत्साहपूर्ण वातावरणात करण्यात आला.
दसऱ्याच्या शुभमुहूर्तावर क्रिकेट हंगामाला सुरुवात झाल्याने क्रिकेटप्रेमी आणि खेळाडूंमध्ये आनंदाचे वातावरण निर्माण झाले आहे. या नव्या हंगामात खेळाडूंना आपले कौशल्य दाखविण्याची आणि उत्कृष्ट कामगिरी करण्याची संधी मिळणार आहे.
क्रिकेट हा केवळ खेळ नसून संघभावना, शिस्त, मेहनत आणि खिलाडूवृत्ती जोपासणारे प्रभावी माध्यम आहे. स्पोर्टिंग क्लब कमिटीच्या माध्यमातून सुरू झालेल्या या क्रिकेट हंगामामुळे खेळाडूंना प्रोत्साहन मिळणार असून, क्रीडाक्षेत्रातील उत्साहालाही चालना मिळणार आहे. दसऱ्याच्या शुभमुहूर्तावर सुरू झालेला हा हंगाम खेळाडूंसाठी नव्या उमेद, नव्या संधी आणि आव्हानांची पर्वणी ठरणार आहे. या क्रिकेट हंगामाच्या माध्यमातून खेळाडूंनी उत्कृष्ट कामगिरी करावी, खेळातील खिलाडूवृत्ती जपावी आणि संघभावनेतून यश संपादन करावे, अशी अपेक्षा स्पोर्टिंग क्लब कमिटी चे सचिव नगरसेवक ऍडव्होकेट श्री. विकास रेपाळे यांनी व्यक्त केली आहे.
कमिटीचे अध्यक्ष अॅड. कैलास देवल, सचिव नगरसेवक विकास रेपाळे, सहसचिव श्रावण तावडे आणि सतीश नाचणे, नगरसेवक संजय वाघुले, एमसीए निवड समितीचे सदस्य शशी कदम, सदस्य संजय सचदेव, मुकुंद सातघरे, मनोज यादव, चिराग नायडू व शिरीष साठे यावेळी उपस्थित होते.दसऱ्याच्या शुभमुहूर्तावर सुरू झालेल्या या क्रिकेट हंगामातून नवोदित आणि अनुभवी खेळाडूंना आपली गुणवत्ता सिद्ध करण्याची संधी मिळणार असून, ठाण्यातील क्रिकेटविश्वात नवचैतन्य निर्माण होण्याची अपेक्षा संस्थेचे अध्यक्ष ऍडव्होकेट कैलास देवल यांनी व्यक्त केली आहे.
00000
•
