मुंबईत आज आहे हार्बर मार्गावर मेगाब्लॉक….
: मुंबई : प्रतिनिधी नगरीय रेल्वे मार्गावर रेल्वेरुळांची दुरुस्ती आणि तांत्रिक कामांसाठी हार्बर मार्गावर रविवारी (ता. ९) मेगाब्लॉक घेण्यात येणार आहेत. या ब्लॉक कालावधीत प्रवाशांची गैरसोय होऊ नये, यासाठी पनवेल ते कुर्ला (फलाट क्रमांक ८) वरून विशेष लोकल चालविण्यात येणार आहेत.
: हार्बर मार्गावरील सीएसएमटी-चुनाभट्टी/वांद्रे अप आणि डाऊन मार्गावर कधी : सकाळी १०.४८ ते दुपारी ४.४३ वाजेपर्यंत परिणाम : ब्लॉक कालावधीत हार्बर मार्गावर सीएसएमटी ते चुनाभट्टी/वांद्रे अप आणि डाऊन मार्गावरील लोकल रद्द असतील. सीएसएमटी/ वडाळा रोडवरून वाशी/बेलापूर/पनवेलसाठी सुटणाऱ्या लोकल सेवा रद्द असतील. सीएसएमटी वांद्रे/गोरेगावसाठी सुटणाऱ्या सर्व अप आणि डाऊन लोकल फेऱ्या रद्द केल्या जातील. …
