नवी मुंबई महापौर, उपमहापौर पदाच्या निवडणुकीसाठी नामनिर्देशनपत्र दाखल..

नवी मुंबई  प्रतिनिधी –

महापौर, उपमहापौर पदाच्या निवडणुकीसाठी नामनिर्देशनपत्र दाखल

          दि. 5 फेब्रुवारी 2026 रोजी, सकाळी 11 वा. होणा-या नवी मुंबई महानगरपालिका महापौर व उपमहापौर पदाच्या निवडणूकीसाठी आज 1 फेब्रुवारी 2026 रोजी सकाळी 11 ते 1 या वेळेत महापालिका सचिव श्रीम. संघरत्ना खिल्लारे यांचेकडे नामनिर्देशनपत्रे दाखल करण्यात आलेली आहेत.

          महापौर पदासाठी होणा-या निवडणुकीकरिता श्रीम. सरोज रोहिदास पाटील आणि श्रीम. सुजाता सुरज पाटील यांनी नामनिर्देशपत्र दाखल केले आहे.

          तसेच उपमहापौर पदासाठी होणा-या निवडणुकीकरिता श्री. आकाश बाळकृष्ण मढवी आणि श्री. दशरथ सिताराम भगत यांनी नामनिर्देशपत्र दाखल केले आहे.

    महापौर व उपमहापौर पदाच्या निवडणूकीसाठी दि. 5 फेब्रुवारी 2026 रोजी विशेष सभा होणार आहे.