मुंबईसह उपनगरात पावसाच्या तुरळक सरी बरसत असल्या राज्यातील इतर भागात मुसळधार पावसाची शक्यता हवामान विभागाकडून वर्तवण्यात आली आहे.
मुंबई प्रतिनिधी
मुंबईसह उपनगरात पावसाच्या तुरळक सरी बरसत असल्या राज्यातील इतर भागात मुसळधार पावसाची शक्यता हवामान विभागाकडून वर्तवण्यात आली आहे.
आज राज्यभरात मोठ्या उत्साहात लाडक्या बाप्पाचा विसर्जन सोहळा पार पडणार आहे. तरी राज्यातील विविध भागात मात्र सकाळ पासूनच दमदार पावसाने हजेरी लावल्याचं दिसत आहे. मुंबईसह उपनगरात पावसाच्या तुरळक सरी बरसत असल्या राज्यातील इतर भागात मुसळधार पावसाची शक्यता हवामान विभागाकडून वर्तवण्यात आली आहे. तसेच कोकणात (Konkan) पावसाचा ऑरेंज अलर्ट (Orange Alert) देण्यात आला आहे. पुढील पाच दिवस राज्यभरात मुसळधार पावसाचा (Heavy Rain) इशारा देण्यात आला आहे. गेले काही दिवसांपासून वरुण राजा शांत असला तरी आता पुन्हा एकदा दमदार कमबॅक (Come Back) करत राज्यातील विविध भागात जोरदार पावसाने हजेरी लावली आहे.
कोकणात पावसाने सकाळपासून चांगलाच जोर पकडला आहे. मराठवाडा , पश्चिम महाराष्ट्रातील आणि विदर्भाच्या विविध जिल्ह्यात दमदार पावसाने हजेरी लावली आहे. नद्याकाठील गावांना सतर्कतेचा इशारा देण्यात आला आहे. सोबतच पूर सदृश्य परिस्थिती निर्माण होणाऱ्या भागात एनडीआरएफच्या तुकड्या तैनात करण्यात आल्या आहेत. मराठवाड्यासह विदर्भात काल पासुन विजांच्या कडकडाटासह पावसाला सुरुवात झाली आहे.
