राजमाता जिजाऊ साहेबांच्या जयंतीनिमित्त जामखेड येथे साकारले 15 हजार चौरस फुटांचे रेखाचित्र…मानवंदना देण्यासाठी जामखेडचे आमदार रोहित पवार

अहमदनगर प्रतिनिधी

या जयंतीचे औचित्य साधत अहमदनगरच्या जामखेड येथील नागेश महाविद्यालयात राजमाता जिजाऊ माँ साहेबांचे 15,000 स्क्वेअर फुटमध्ये रेखाचित्र साकारले आहे.

राजमाता जिजाऊ यांची 12 जानेवारीला तारखेनुसार जयंती. जिजाबाईंनी प्रतिकूल परिस्थितीवर मात करून स्वराज्य निर्माण करणारे छत्रपती शिवाजी महाराज यांना घडवले, संभाजी राजांना आईच्या पदराची उब दिली. उद्या संपूर्ण महाराष्ट्रभर त्यांची जयंती उत्साहात साजरी होईल. या जयंतीचे औचित्य साधत अहमदनगरच्या जामखेड येथील नागेश महाविद्यालयात राजमाता जिजाऊ माँ साहेबांचे 15,000 स्क्वेअर फुटमध्ये रेखाचित्र साकारले आहे. जिजाऊ साहेबांना मानवंदना देण्यासाठी जामखेडचे आमदार रोहित पवार यांच्या संकल्पनेतून हे जगातील सर्वात मोठे रेखाचित्र साकारले गेले आहे.