मुंबईकरांसाठी खुशखबर : मुंबई मेट्रो मार्ग ७ (टप्पा-२) आणि मार्ग २अ (टप्पा-२) चे लोकार्पण प्रधानमंत्री श्री. नरेंद्र मोदी यांच्या हस्ते १९ जानेवारीला होणार
मुंबई प्रतिनिधी
अंधेरी परिसरातील मुंबई मेट्रो मार्ग ७ (टप्पा-२) आणि मार्ग २अ (टप्पा-२) चे लोकार्पण प्रधानमंत्री श्री. नरेंद्र मोदी यांच्या हस्ते १९ जानेवारीला होणार आहे. त्या पार्श्वभूमीवर मुख्यमंत्री श्री. एकनाथ शिंदे, उपमुख्यमंत्री श्री. देवेंद्र फडणवीस यांनी अंधेरी परिसरातील गुंदवली स्थानकामधील सुविधांची पाहणी केली.
रस्त्यांवरील वाहतूक कोंडी कमी करण्यासाठी मेट्रो हा महत्वाकांक्षी प्रकल्प आहे. यामुळे मुंबईतील लोकांना आरामदायी प्रवास करता येणार आहे. त्यामुळेच मेट्रो मार्ग ७ आणि मेट्रो मार्ग ‘२अ’ ची सेवा मुंबईकरांसाठी वरदान ठरेल, असा विश्वास मुख्यमंत्री श्री. शिंदे यांनी व्यक्त केला.
