महाराष्ट्र उद्योजकता विकास केंद्रातर्फे आयोजित प्रशिक्षण कार्यक्रमाचा लाभ घेण्याचे आवाहन
राज्य प्रतिनिधी: महाराष्ट्र उद्योजकता विकास केंद्र सांगलीच्या वतीने बेरोजगार युवकांना उद्योग व्यवसायाला प्रोत्साहन देण्याच्या उद्देशाने ई-टेंडरिंग, जेम पोर्टल प्रशिक्षण कार्यक्रमाचे आयोजन करण्यात आले आहे. जिल्हा उद्योग केंद्रातील सभागृहात होणाऱ्या या प्रशिक्षण कार्यक्रमाचा लाभ घेण्याचे आवाहन एम सी ई डी कोल्हापूर अधिकारी सुदाम थोटे व प्रकल्प अधिकारी दत्तात्रय क्षीरसागर यांनी केले आहे.
या कार्यशाळेचा प्रारंभ 14 ऑक्टोबर 2023 रोजी होणार असून उद्योजकांना व उद्योग सुरू करणाऱ्यांसाठी चार दिवसीय ई-टेंडरिंग, जेम पोर्टल यावर ई-टेंडर गुरू हर्षद बर्गे मार्गदर्शन करणार आहेत. यामध्ये ई-निविदा प्रक्रिया ओळख, ई-निविदा प्रक्रिया पद्धती, शासनाचे ई-टेंडरिंगचे मार्गदर्शक तत्त्वे, डिजिटल स्वाक्षरी म्हणजे काय, डिजिटल स्वाक्षरीसाठी अर्ज कसा करायचा, पीएसयु, सीपीएसयू आणि सरकारच्या आवश्यकतांचे मूल्यांकन कसे करावयाचे, कंपनी नोंदणी प्रक्रिया, दस्तऐवजीकरणाचे लाइव्ह प्रात्याक्षिक, त्यासोबत जेम पोर्टल, पोर्टलवर आपली फर्म कशी नोंदणी करावी, जेम पोर्टलवर प्रात्यक्षिक, जीएसटी आणि त्याचा परिचय, जीएसटी नोंदणी प्रक्रिया, एमएसएमई ग्लोबल मार्ट बद्दल माहिती तसेच नव उद्योजकासाठी विविध शासकीय योजना व त्यांची अंबलबजावणी बाबत माहिती देण्यात येणार आहे.
या प्रशिक्षण कार्यक्रमासाठी, सुशिक्षित बेरोजगार, उद्योजक, कंत्राटदार बनू इच्छिणारे, बचत गटातील सदस्य, महाविद्यालयीन युवक-युवती यांना सहभागी व्हावे. प्रशिक्षण कार्यक्रमाबाबत अधिक माहितीसाठी 9579689412 / 7057994308 या नंबरवर अथवा महाराष्ट्र उद्योजकता विकास केद्र द्वारा जिल्हा उद्योग केंद्र, सांगली टाटा पेट्रोलपंपाच्या पाठीमागे उद्योग भवन येथे संपर्क साधावा, असे आवाहनही श्री. क्षीरसागर यांनी केले आहे.
00
