मतदान वाढीसाठी अभिनव उपक्रम . . !
सांगली प्रतिनिधी: तासगाव तालुक्यातील बस्तवडे व यमगरवाडी या मतदान केंद्रांवर लोकसभा निवडणूक 2019 मध्ये कमी मतदान झाले होते. या ठिकाणी 2024 मध्ये मतदानाचा टक्का वाढविण्यासाठी स्वीप (SVEEP) अंतर्गत मतदान जनजागृती व मतदानाची टक्केवारी वाढविण्यासाठी विद्यार्थ्यांमार्फत ‘सह्यांची मोहीम’ हा अभिनव उपक्रम राबविण्यात आला.
यावेळी मतदारांची प्रतिज्ञा यावर विद्यार्थ्यांचे पालक व ग्रामस्थ यांच्या सह्या घेण्यात आल्या. ज्या विद्यार्थ्यांनी सर्वात जास्त मतदारांच्या सह्या आणल्या त्यांना यावेळी विशेष बक्षीस देऊन गौरविण्यात आले. जिल्हा परिषद शाळा यमगरवाडी येथील विद्यार्थी समर्थ करडे या विद्यार्थ्यांने तब्बल 300 मतदारांच्या सह्या घेतल्याने प्रशालेतर्फे त्याचा गौरव करण्यात आला.
या उपक्रमांतर्गंत यमगरवाडी येथील एकूण 1 हजार 787 मतदारांनी प्रतिज्ञा पत्रावर सह्या केल्या. असाच उत्स्फूर्त प्रतिसाद बस्तवडे येथील मतदारांनीही दिला. मतदान टक्केवारी वाढवण्यासाठी थेट मतदारांपर्यंत पोहोचून राबवलेली ही सह्यांची मोहीम नक्कीच फायदेशीर ठरेल. येणाऱ्या लोकसभा निवडणुकीत मतदानाची टक्केवारी वाढलेली दिसेल. बस्तवडे व यमगरवाडी या गावांचा आदर्श अन्य गावांनी घ्यावा इतकच . . .!
000000
