सावळज येथे मतदान जागृतीसाठी महिला मेळावा
सांगली, द प्रतिनिधी : लोकसभा निवडणूक 2024 च्या अनुषंगाने मतदान टक्केवारी वाढवणे मतदान जनजागृती करणे आणि मतदानासाठी जास्तीत जास्त लोकांनी सहभाग घ्यावा , यासाठी स्वीप कार्यक्रम अंतर्गत आज सावळज येथे महिला संवाद मेळावा घेण्यात आला.
जिल्हा परिषद शाळेतील शिक्षकांनी उपस्थित महिलांना मतदानाचे पटवून दिले. गत लोकसभा निवडणुकीमध्ये सावळज येथील मतदान केंद्रावर राष्ट्रीय सरासरी पेक्षा कमी मतदान झाले होते . यावेळी मतदानाची टक्केवारी निश्चितपणे वाढविण्याच्या निर्धार उपस्थित महिलांना व्यक्त केला. या प्रसंगी उपस्थित सर्व महिला मतदारांना ‘मतदाराची शपथ ‘देण्यात आली . तसेच यावेळी महिलांनी गावातून प्रभात फेरी काढून इतर मतदारांना मतदानाचे आवाहन केले. याप्रसंगी SVEEP पथकातील सर्व सदस्य व शिक्षक उपस्थित होते.
