मुंबईतील सिद्धार्थनगर, चेंबूर येथील आगीच्या दुर्घटनास्थळी मुख्यमंत्री एकनाथ शिंदे यांनी भेट देऊन पाहणी…दुर्घटनेतील मृतांच्या नातेवाईकांना पाच लाख रुपयांची मदत जाहीर
मुंबई प्रतिनिधी
चेंबूर सिद्धार्थ नगर येथे असलेल्या ग्राउंड प्लस टू च्या दुकान घराला लागलेल्या भीषण आग मध्ये तेथील कुटुंबाचा दुर्दैवी अंत झाला सदर ठिकाणी#सिद्धार्थनगर, चेंबूर येथील आगीच्या दुर्घटनास्थळी मुख्यमंत्री एकनाथ शिंदे यांनी भेट देऊन पाहणी केली. यावेळी त्यांनी दुर्दैवी कुटुंबियांची आस्थेने विचारपूस केली. दुर्घटनेतील मृतांच्या नातेवाईकांना पाच लाख रुपयांची मदत जाहीर केली व जखमींवर शासनाच्या खर्चाने उपचार केले जातील, असेही सांगितले.
चेंबूर येथील सिद्धार्थनगर मधील आगीच्या दुर्घटनास्थळाची पाहणी केल्यानंतर मुख्यमंत्र्यांनी माध्यम प्रतिनिधींशी संवाद साधला.
ते म्हणाले की, ही अतिशय दुर्दैवी घटना आहे. गुप्ता कुटुंबावर दुःखाचा डोंगर कोसळलाय. या दुर्घटनेची उच्चस्तरीय चौकशी होईल. अशा दुर्घटना पुन्हा होऊ नयेत यासाठी काळजी घेता यावी यासाठी उपाययोजनांचाही आढावा घेतला जाईल. याठिकाणी झोपडपट्टी पुनर्वसनाचे काम रखडले असेल,तर त्याबाबतही बैठक घेऊन योग्य ते निर्णय घेतले जातील, असेही मुख्यमंत्री म्हणाले.
यावेळी केंद्रीय सामाजिक न्याय मंत्री रामदास आठवले, मुंबई उपनगर जिल्ह्याचे पालकमंत्री मंगल प्रभात लोढा, माजी खासदार राहुल शेवाळे, तसेच मुंबई महापालिकेचे अधिकारी आदी उपस्थित होते.
