अनुसूचित जाती व नवबौध्द घटकातील पात्र बचत गटांना उपस्थित राहण्याचे आवाहन

 

 

 

व्यावसायिक प्रतिनिधी- अनुसूचित जाती व नवबौध्द घटकातील नोंदणीकृत स्वयंसहाय्यता बचत गटांना 9 ते 18 अश्वशक्तीचे मिनी ट्रॅक्टर व त्याची उपसाधने 90 टक्के अनुदानावर वाटप करण्यात येतात. तरी बुधवार दि. 9 ऑक्टोंबर, 2024 रोजी सकाळी 11 वाजता जिल्हाधिकारी कार्यालयासमोरील भारतरत्न डॉ. बाबासाहेब आंबेडकर सामाजिक न्याय भवन येथील सांस्कृतिक सभागृहामध्ये पात्र बचतगटातील अध्यक्ष, उपाध्यक्ष व सचिव यांनी लॉटरी पध्दतीने बचतगटांची निवड करण्यासाठी उपस्थित रहावे. असे आवाहन समाज कल्याण विभागाचे सहायक आयुक्त अनंत कदम यांनी प्रसिद्धीपत्रकाद्वारे केले आहे.

 

सन 2023-24 या आर्थिक वर्षातील सदर योजनेंतर्गत एकुण दहा मिनी ट्रॅक्टरचे उद्दिष्ट प्राप्त झाले होते. त्यानुषंगाने अनुसूचित जाती व नवबौध्द घटकांतील स्वयंसहाय्यता बचतगटांकडुन अर्ज मागविण्यात आले. पात्र असलेल्या बचतगटांपैकी उद्दीष्टाच्या अनुषंगाने दहा बचतगटांची निवड करावयाची आहे. बचतगटांची लॉटरी पध्दतीने निवड करण्यात येणार आहे. सदर बचतगटांची अंतिम पात्र व अपात्र यादी कार्यालयाच्या सुचनाफलकावर डकविण्यात आलेली आहे. मिनी ट्रॅक्टर व त्याची उपसाधने या योजनेंतर्गत लॉटरी पध्दतीने स्वयंसहाय्यता बचतगटांची निवड करण्यात येणार आहे. असेही प्रसिद्धीपत्रकाद्वारे कळविले आहे.