सातारा येथे सोयाबीन आधारभुत किंमत खरेदी केंद्र सुरु…
सातारा प्रतिनिधी : खरीप हंगाम सन २०२४-२०२५ मध्ये आधारभुत दरानुसार नाफेडमार्फत आधारभुत किंमत योजनेंतर्गत सोयाबीन खरेदी करणेकरीता खरीप हंगाम २०२४ मध्ये उत्पादीत सोयाबीन आधारभुत किंमत खरेदी योजनेअतंर्गत शेतक-यांकडुन ऑनलाईन नोंदणी करुन विक्री करणे करीता सातारा तालुका खरेदी विक्री संघ लि. मार्केट यार्ड सातारा, (संपर्क-9623495637) या संघाकडे खरेदी केंद्र सुरु करण्यात आलेले आहे, अशी माहिती सातारचे सहकारी संस्था, उपनिबंधक संजयकुमार सुद्रिक, यांनी दिली.
ऑनलाईन नोंदणीकरीता शेतक-यांनी अद्ययावत ७/१२ उतारा, खरीप हंगाम २०२४ मध्ये सोयाबीनची पिक पाणी नोंदीसह आधारकार्ड, आधारशी लिंक असलेले बँक पासबुक झेरॉक्स इत्यादी कागदपत्रे आवश्यक आहेत शेतक-यांनी खरेदी केंद्रावर सोयाबीन माल घेऊन येताना तो स्वच्छ असावा. मालाची आद्रता कमाल १२ टक्के असावी. मालामध्ये काडी कचरा माती व डाळ नसावी. सदर बाबतीत मार्गदर्शक सुचना खरेदी केंद्रावर लावण्यात आलेल्या आहेत. सदरची नोंद सोयाबीन उत्पादक शेतक-यांनी घ्यावी.
000
