राष्ट्रवादी काँग्रेस पार्टीचे मुंबई सचिव आसिफ खानपठाण यांच्या नेतृत्वाखाली प्रजासत्ताक दिन मोठ्या उत्साहात साजरा..
( सुरेश गायकवाड )मुंबई प्रतिनिधी
मुंबई- राष्ट्रवादी काँग्रेस पार्टीचे नेते अजितदादा पवार आणि नवाबभाई मलिक यांच्या विचारांना आदर्श मानून ,त्यांच्या पावलावर पाऊल ठेवून राष्ट्रवादी काँग्रेस पार्टीचे युवक काँग्रेसचे मुंबई सचिव आसिफ खान (पठाण) यांनी भारतीय प्रजासत्ताकदिनी शिवाजीनगर बैंगणवाडी प्रभाग क्रमांक १३६ येथे भारतीय घटनेचे शिल्पकार डॉ बाबासाहेब आंबेडकर यांच्या प्रतिमेला पुष्पहार अर्पण करून अभिवादन केले. त्यावेळी त्यांच्या समवेत मोठ्या संख्येने लहान मुले, महिला, तरुण , वयोवृद्ध व्यक्ती, कार्यकर्ते सहभागी झाले होते.
त्यानंतर शिवाजीनगर पोलीस ठाण्याचे अंमलदार व स्थानिक ज्येष्ठ नागरिक यांच्या हस्ते ध्वजवंदन करण्यात आले. त्यावेळेस अनेक स्थानिक मान्यवरांचा शाल व पुष्पगुच्छ देऊन सत्कार करण्यात आला.
हा प्रजासत्ताक दिनाचा सोहळा संपन्न करण्यासाठी एच.एम. फाउंडेशनचे कार्यकर्ते , राष्ट्रवादी काँग्रेस पार्टीचे पदाधिकारी ,कार्यकर्ते तसेच शिवाजीनगर पोलीस ठाण्याचे अंमलदार ही उपस्थित होते.
