पणन हंगाम 2024-25 योजनेंतर्गत धान खरेदी करण्यासाठी दि.31 मार्च 2025 रोजी पर्यंत मुदतवाढ..
ठाणे, प्रतिनिधी:- किमान आधारभूत किंमत खरेदी योजनेंतर्गत शेतकऱ्यांकडील धान पणन हंगाम 2024-25 मध्ये किमान आधारभूत किंमत खरेदी योजनेंतर्गत धान/भरडधान्य खरेदी करण्याबाबत शासनाने शासन निर्णय क्र.खरेदी-1124/प्र.क्र.160/नापु-29, दि.14 ऑक्टोबर 2024 अन्वये मार्गदर्शक सूचना दिल्या आहेत.
या शासन निर्णयातील परिच्छेद क्रमांक 3 मध्ये आधारभूत किंमती, सर्वसाधारण गुणवत्ता व दर्जा पुढीलप्रमाणे आहे.पीक- धान / भात – साधारण (एफ. ए. क्यु.) – आधारभूत किंमत रुपये – 2300/-, शेतकऱ्यांना प्रत्यक्ष द्यावयाचा दर रुपये – 2300/-.
“अ” दर्जा – आधारभूत किंमत रुपये – 2320/-, शेतकऱ्यांना प्रत्यक्ष द्यावयाचा दर रुपये – 2320/-.पीक- भरडधान्य – ज्वारी (संकरित) – आधारभूत किंमत रुपये – 3371/-, शेतकऱ्यांना प्रत्यक्ष द्यावयाचा दर रुपये – 3371/-.ज्वारी (मालदांडी) – आधारभूत किंमत रुपये – 3421/-, शेतकऱ्यांना प्रत्यक्ष द्यावयाचा दर रुपये – 3421/-.
बाजरी – आधारभूत किंमत रुपये – 2625/-, शेतकऱ्यांना प्रत्यक्ष द्यावयाचा दर रुपये – 2625/-.मका – आधारभूत किंमत रुपये – 2225/-, शेतकऱ्यांना प्रत्यक्ष द्यावयाचा दर रुपये – 2225/-.रागी – आधारभूत किंमत रुपये – 4290/-, शेतकऱ्यांना प्रत्यक्ष द्यावयाचा दर रुपये – 4290/-.
धान खरेदीचा कालावधी:खरीप पणन हंगाम – दि. 14 ऑक्टोबर 2024 ते दि. 31 जानेवारी 2024.रब्बी पणन हंगाम (रब्बी/उन्हाळी) केंद्र शासनाकडून प्राप्त सूचनांनुसार राहील.शासनाने धान व भरडधान्य खरेदी करण्यासाठी बिगर आदिवासी क्षेत्रात महाराष्ट्र स्टेट को. ऑप. मार्केटिंग फेडरेशन मुंबई व आदिवासी क्षेत्रामध्ये महाराष्ट्र राज्य सहकारी आदिवासी विकास महामंडळ नाशिक या दोन अभिकर्ता संस्थांची नियुक्ती केलेली आहे. त्यानुसार ठाणे जिल्ह्यामध्ये बिगर आदिवासी क्षेत्रात महाराष्ट्र स्टेट को. ऑप. मार्केटिग फेडरेशन व आदिवासी विकास क्षेत्रामध्ये आदिवासी विकास महामंडळ या दोन यंत्रणा कार्यरत असून सन 2024-25 या खरीप पणन हंगामाकरिता धान (भात) खरेदी करण्यासाठी अभिकर्ता संस्थाना शेतकऱ्याकडील धान खरेदी करण्यासाठी पुढीलप्रमाणे धान खरेदी केंद्रे सुरु करण्याच्या सूचना दि.21 ऑक्टोबर 2024 व दि. 24 ऑक्टोबर 2024, दि.06 डिसेंबर 2024 तसेच दि.01 जानेवारी 2025रोजी झालेल्या जिल्हा समन्वय समितीच्या बैठकीत दिलेल्या आहेत.अभिकर्ता संस्था – महाराष्ट्र स्टेट को. ऑप. मार्केटिंग फेडरेशन मर्या, तर्फे जिल्हा मार्केटिंग अधिकारी ठाणे.धान खरेदी केंद्राचे ठिकाण – मुरबाड तालुका – मुरबाड, भिवंडी तालुका – पडघा, दुगाड फाटा, झिडके, व कल्याण तालुका – चवरे (मामनोली)अभिकर्ता संस्था – महाराष्ट्र राज्य सह. आ.वि.महा. मर्या. तर्फे प्रादेशिक व्यवस्थापक, महा. रा.सह. आ. वि.महा, प्रादेशिक कार्यालय जव्हार, जि. पालघर.धान खरेदी केंद्राचे ठिकाण – शहापूर तालुक्यातील – चोंढे (डोळखांब संस्था), मुगांव, सावरोली, मुरबाड तालुक्यातील – धसई, माळ, पाटगांव ही मागील वर्षातील सुरु ठेवण्यात येणारी तसेच शहापूर तालुक्यात – आटगाव संस्था, सापगांव संस्था, पिवळी, भिवंडी तालुक्यात – मैंदेवरीलप्रमाणे धान खरेदी केंद्र मंजूर करण्यात आलेले असून शासनपत्र क्र. खरेदी 1124/प्र.क्र.160/ना.पु.29, दि.28 जानेवारी 2025 च्या पत्रान्वये पणन हंगाम 2024-25 मध्ये किमान आधारभूत किंमत खरेदी योजनेंतर्गत धान खरेदी करण्यासाठी दि.31 मार्च 2025 रोजी पर्यंत मुदतवाढ देण्यात आलेली आहे, असे ठाणे जिल्हा पुरवठा अधिकारी विकास गजरे यांनी कळविले आहे
