माहीम येथे ज्येष्ठ नागरिकांचा साप्ताहिक कार्यक्रम-संवाद
मुंबई प्रतिनिधी –
नुकताच माहीम येथे ज्यष्ठ नागरिकांचा एकमेकांशी होणारा होणारी चर्चा म्हणजे”संवाद” ज्येष्ठ नागरिक संघ माहीम येथे ज्येष्ठ नागरिकांचा साप्ताहिक कार्यक्रम आयोजित करण्यात आला होता. कार्यक्रमासाठी (आयुर्वेदिक सल्लागार एम् डी. डॉक्टर) वैद्य सत्यव्रत रमेश नानल यांना आमंत्रित करण्यात आले होते.
संवाद ज्येष्ठ नागरिक संघाचे अध्यक्ष श्री सुधीर नाईक यांनी वैद्य श्री सत्यव्रत नानल आणि सर्व ज्येष्ठांचे स्वागत केले.
आजच्या या कार्यक्रमाला फेस्कॉमच्या जनसंपर्क प्रमुख श्री दिलीप गाडेकर यांची उपस्थिती लाभली. श्रीमती उज्ज्वल पाठारे यांनी वैद्य नानाल यांचा परिचय करून दिला.
दादर, शिवाजी पार्क, माहीम येथे सुप्रसिद्ध असलेले वैद्य नानल यांची, आयुर्वेदात पारंगत असणाऱ्या चौथ्या पिढीतील वैद्य सत्यव्रत नानल आहेत. वैद्य नानल यांच्या घराण्याने संशोधनांद्वारे अनेक फॉर्मुले तयार केले आहेत. त्यांची अनेक पुस्तके आणि मॅगझिन्स प्रकाशित झालेली आहेत. टिव्ही वर त्यांच्या अनेकदा मुलाखती झालेल्या आहेत.
वैद्य सत्यव्रत नानल यांनी अतिशय साध्या सोप्या ओघवत्या भाषेत सर्व ज्येष्ठ नागरिकांना डोक्यावरील केसापासून तळ पायाच्या नखापर्यंत सर्व गोष्टींची काळजी कशी घ्यायची हे समजावून सांगितलं. सकाळी उठल्यापासून रात्री झोपेपर्यंत आपलं शरीर तंदुरुस्त ठेवण्यासाठी करायच्या सोप्या सोप्या घरगुती गोष्टी उदाहरणार्थ मायग्रेन आणि डोकेदुखी यातील फरक, तोंडात तेल पकडून ठेवणे, योग्य शौच्य म्हणजे काय, अंगाला तेल कसे लावावे, डोळे- कान यांची काळजी कशी घ्यावी, नस्य म्हणजे काय आणि कसे करावे इत्यादी त्यांनी सर्वांना सांगितले. “कोणी विचारलं तर वय 60 सांगायचं नाही अजून 42 वर्ष बाकी आहे असे सांगायचं”. आत्ताच्या ह्या युगात लोकांचे आयुर्मान वाढले आहे. लोक शंभरी पार करतात. “शतायुषी” होतात. अशी जगण्याची उमेद त्यांनी सर्व ज्येष्ठ नागरिकांना दिली.कार्यक्रमाच्या शेवटी श्रीमती “उज्ज्वल पाठारे” यांनी वैद्य सत्यव्रत नानल यांचे आभार मानले आणि कॉफी पानाने या कार्यक्रमाची सांगता झाली. सदर कार्यक्रमाचे वृत्त संकलन ज्येष्ठ समाजसेवक सामाजिक कार्यकर्ते दिलीप गाडेकर यांनी केले
