शेख मुकरम यांच्या हस्ते बालाजी सोनटक्के यांचा सत्कार
छत्रपती संभाजीनगर प्रतिनिधी : वाळूज गटातून निवडून आलेले तसेच निवृत्त पोलीस उपायुक्त श्री. बालाजी सोनटक्के यांची जिल्हा परिषद समाज कल्याण सभापतीपदी निवड झाल्यानंतर विविध स्तरातून त्यांचे अभिनंदन होत आहे. राष्ट्रवादी काँग्रेस पार्टीचे महाराष्ट्र राज्य प्रदेश सहसचिव (पदवीधर विभाग) शेख मुकरम यांच्या हस्ते त्यांचा सत्कार करण्यात आला.
शेख मुकरम मित्र मंडळाच्या वतीने आयोजित या कार्यक्रमात जिल्हा उपाध्यक्ष इम्रान शेख, कय्युम भाई, अल्फात भाई यांच्यासह अनेक मान्यवर उपस्थित होते. उपस्थितांनी सोनटक्के यांच्या निवडीचे स्वागत करत त्यांच्या पुढील कार्यकाळासाठी शुभेच्छा दिल्या.”बालाजी सोनटक्के यांनी आपली भावना व्यक्त केली”माझ्यावर सोपवण्यात आलेली जिल्हा परिषद समाज कल्याण सभापतीपदाची जबाबदारी मी पूर्ण प्रामाणिकपणे आणि पारदर्शकपणे पार पाडेन. समाजातील वंचित, गरजू आणि दुर्बल घटकांसाठी शासनाच्या योजना प्रभावीपणे राबवण्यावर माझा भर राहील. सर्वसामान्य नागरिकांच्या अपेक्षा पूर्ण करण्यासाठी मी सदैव कटिबद्ध राहीन. सर्वांच्या सहकार्याने जिल्ह्याच्या सर्वांगीण विकासासाठी काम करणार आहे,” असे त्यांनी सांगितले
शेख मुकरम काय म्हणाले “श्री. बालाजी सोनटक्के यांची समाज कल्याण सभापतीपदी झालेली निवड अत्यंत योग्य आहे. त्यांनी पोलीस सेवेत प्रामाणिकपणे काम करत समाजात विश्वास निर्माण केला आहे. त्याच अनुभवाचा उपयोग करून ते समाजातील दुर्बल घटकांसाठी प्रभावी काम करतील, असा मला विश्वास आहे. त्यांच्या नेतृत्वाखाली समाज कल्याण विभाग अधिक सक्षम व गतिमान होईल,” असे मत शेख मुकरम यांनी व्यक्त केले.
