शहापूर तालुक्यातील वाशिंद पिवळी-कांबारे रस्त्यावरीलमोजे सावरोली (खु.) येथील पूल अवजड वाहनांना वाहतुकीस बंद..

ठाणे, प्रतिनिधी :- शहापूर तालुक्यातील वाशिंद-पिवळी-कांबारे हा रस्ता (प्रमुख जिल्हा मार्ग क्र.-57) या दर्जाचा असून एकूण 23.600 कि.मी. लांबीचा आहे. या रस्त्याची हायब्रीड अॅन्युईटी अंतर्गत देखभाल दुरुस्ती करण्यात येत आहे. या रस्त्यावरील विषयांकित पूल मौजे सावरोली (खु.) येथे कि.मी.4/750 या साखळी क्रमांकावर आहे..

या प्रकरणी दि.16 जून 2025 रोजी सायंकाळी सोशल मीडियावर या पूलास तडे गेल्याने याबाबतची बातमी सर्वत्र पसरली होती. त्यानुषंगाने शहापूर सार्वजनिक बांधकाम विभागामार्फत रस्त्याची तात्काळ प्राथमिक पाहणी करण्यात आली. तद्नंतर वरिष्ठांच्या आदेशानुसार हा पूल दि.16 जून 2025 रोजी रात्रीपासून हलकी वाहने (Light Vehicle) वगळून सर्व प्रकारच्या अवजड वाहनांना वाहतूक बंद करण्यात आली.

तद्नंतर दि.17 व 18 जून 2025 रोजी या पूलाचे संरचना लेखा परीक्षण करण्यात आले आहे. या रस्त्यावरुन हलक्या वाहनांची वाहतूक करण्यात यावी व सर्व अवजड वाहनांची वाहतूक बंद ठेवण्यात येणार असून दरम्यानच्या काळात खालील देण्यात आलेल्या रस्त्याचा पयायी मार्ग म्हणून वापर करण्यात यावा.हलकी वाहने वगळून इतर वाहनांना वाहतुकीकरीता पर्यायी मार्ग- 1) भिवंडीकडून येणारी वाहने सारमाळ-खानिवली-पच्छापूर-वाडा या मार्गे जातील. 2) शहापूर, मुरबाड कडून येणारी वाहने वाडा-शहापूर ते कर्जत चौक रस्ता (रा.मा. क्र.79) या रस्त्यावरुन शहापूर-पुनधे-आटगांव-तानसा-अघई-कांबारे-वाडा अशा मार्गे जातील. 3) कसारा, नाशिक कडून येणारी वाहने खर्डी परळी उज्जैनी जव्हार सारसून ते राज्य सरहद्दीपर्यंतचा रस्ता (रा.मा.क्र.७७) या रस्त्यावरुन खर्डी-दहिगांव-टेंभा-बेलवड-अघई-कांबारे-वाडा अशा मार्गे जातील, असे सार्वजनिक बांधकाम विभाग क्र-2. ठाणे कार्यकारी अभियंता एस. एम. कांबळे यांनी कळविले आहे.

000000000000