रुग्णालयांना पॅनलवर समावेशासाठी संपर्क साधण्याचे आवाहनआर्थिकदृष्ट्या दुर्बल घटकांना लाभ मिळून आरोग्य सुविधा अधिक सक्षम होण्यास मदत होणार
जालना, प्रतिनिधी : जिल्ह्यातील 30 पेक्षा जास्त खाटांच्या रुग्णालयांचा आणि विशिष्ट 10 खाटांच्या एकल विशेषता रुग्णालयांचा एकत्रित आयुष्मान भारत (AB PM-JAY) आणि महात्मा जोतिराव फुले जन आरोग्य योजनेत (MJPJAY) पॅनलवर समावेश करणे आहे. तरी जालना जिल्ह्यातील नागरिकांना दर्जेदार आणि परवडणाऱ्या वैद्यकीय सुविधा उपलब्ध करून देण्यासाठी, जिल्ह्यातील 30 पेक्षा जास्त खाटा असलेल्या रुग्णालयांचा तसेच विशिष्ट एकल विशेषता (Single Speciality) असलेल्या 10 खाटांच्या रुग्णालयांचा एकत्रित आयुष्मान भारत प्रधानमंत्री जन आरोग्य योजना (AB PM-JAY) आणि महात्मा जोतिराव फुले जन आरोग्य योजना (MJPJAY) यांच्या पॅनलवर समावेश करण्याची प्रक्रिया सुरू करण्यात आली आहे. या उपक्रमामुळे आर्थिकदृष्ट्या दुर्बल घटकांना मोठ्या प्रमाणात लाभ मिळेल आणि जिल्ह्यातील आरोग्य सुविधा अधिक सक्षम होतील. अशी माहिती जिल्हा शल्य चिकित्सक डॉ.राजेंद्र पाटील यांनी प्रसिध्दीपत्रकाद्वारे दिली आहे.
पात्र एकल विशेषता रुग्णालये (10 खाटांचे):1. ENT (नाक, कान, घसा)2. Ophthalmology (नेत्रविकार)3. Orthopaedic & Polytrauma (अस्थिव्यंग आणि पॉलिट्रॉमा)4. Burns (भाजणे)5. Paediatric Surgery (बालरोग शस्त्रक्रिया)6. Oncology Units (कर्करोग उपचार युनिट्स)7. Neonatal & Paediatric Medical Management Units (नवजात आणि बालरोग वैद्यकीय व्यवस्थापन युनिट्स)8. Maintenance of Haemodialysis (Nephrology) Units (हिमोडायलिसिस मूत्रपिंडशास्त्र युनिट्स)
योजनांचा उद्देशAB PM-JAY: केंद्र सरकारची ही योजना देशभरातील आर्थिकदृष्ट्या कमकुवत कुटुंबांना दरवर्षी 5 लाख रुपयांपर्यंत मोफत वैद्यकीय उपचार प्रदान करते. यामध्ये १३५६ प्रकारच्या गंभीर आजार, शस्त्रक्रिया आणि रुग्णालयात दाखल होण्याच्या खर्चाचा समावेश आहे. MJPJAY: महाराष्ट्र सरकारची ही योजना राज्यातील पात्र लाभार्थ्यांना 5 लाख रुपयांपर्यंत मोफत वैद्यकीय उपचार देते. यामध्ये १३५६ प्रकारच्या शस्त्रक्रिया आणि विशेष उपचारांचा समावेश आहे.
पॅनलवर समावेश प्रक्रियाः-
पात्रता निकष 30 पेक्षा जास्त खाटा असलेली रुग्णालये आणि वर नमूद केलेल्या विशेषता असलेली 10 खाटांची एकल विशेषता रुग्णालये, जी राष्ट्रीय आरोग्य प्राधिकरण (NHA) आणि महाराष्ट्र राज्य आरोग्य हमी सोसायटी निकषांची पूर्तता करतील, ती AB PM-JAY आणि MJPJAY योजनांच्या पॅनलवर समावेशासाठी पात्र ठरतील. यामध्ये आधुनिक वैद्यकीय उपकरणे, प्रशिक्षित वैद्रद्यकीय कर्मचारी आणि उच्च दर्जाची रुग्णसेवा यांचा समावेश आहे.लाभः पॅनलवरील रुग्णालयांमध्ये या दोन्ही योजनांतर्गत लाभार्थ्यांना मोफत उपचार मिळतील. यामुळे गंभीर आजारांवरील उपचार परवडणारे होतील आणि रुग्णांचे आर्थिक भार कमी होईल.
अर्ज प्रक्रियाः रुग्णालयांनी पॅनलवर समावेशासाठी https://www.jeevandayee.gov.in (MJPJAY) या संकेतस्थळांवर ऑनलाइन अर्ज करावा. तसेच, जालना जिल्हा रुग्णालय जिल्हा समन्वयक किंवा जिल्हा शल्य चिकित्सक यांच्याशी संपर्क साधून अधिक माहिती मिळवता येईल.
जिल्ह्यातील प्रमुख रुग्णालयेःजालना जिल्ह्यातील अनेक रुग्णालये, ज्यांचे ३० खाटांची रुग्णालये व नमूद केलेल्या विशेषत: असलेली १० खाटांची रुग्णालये देखील या योजनेत सहभागी होण्यासाठी पात्र ठरू शकतात.
जिल्हा प्रशासनाचे आवाहनःजालना जिल्हा प्रशासन आणि आरोग्य विभाग सर्व पात्र रुग्णालयांना, मग ते 30 पेक्षा जास्त खाटांचे असोत किंवा 10 खाटांचे एकल विशेषता रुग्णालये असोत, AB PM-JAY आणि MJPJAY योजनांमध्ये सहभागी होण्याचे आवाहन करते. यामुळे जिल्ह्यातील ग्रामीण आणि शहरी भागातील नागरिकांना मोफत वैद्यकीय सुविधा मिळतील. नागरिकांना जवळील पॅनलवरील रुग्णालयांची माहिती https://www.jeevandayee.gov.in या संकेत स्थळावर उपलब्ध आहे.
संपर्कःअधिक माहितीसाठी किंवा पॅनलवर समावेशासाठी, कृपया जालना जिल्हा ग्णालय, दूरध्वनीः 8275095810 येथे संपर्क साधावा किंवा https://www.jeevandayee.gov.in वर भेट द्यावी. जालना जिल्ह्यातील आरोग्य सुविधांच्या विकासासाठी आणि नागरिकांच्या माहितीसाठी जारी करण्यात आली आहे. रुग्णालयांनी पॅनलवर समावेशासाठी स्वतः पात्रता तपासावी आणि संबंधित अधिकाऱ्यांशी संपर्क साधावा. व https://www.jeevandayee.gov.in सदरील संकेत स्थळावर अर्ज करावा. असेही कळविले आहे.
-*-*-*-*-
