जालना शहरातील वाहतुकीच्या मार्गात बदल
जालना, प्रतिनिधी : श्री गजानन महाराजसंस्थान शेगाव या न्यासाची श्री ची पालखी पायदळ वारी परंपरेनुसार सदर पालखी पंढरपुर येथून परतीच्या मार्गावर आहे. तरी राष्ट्रीय महामार्ग क्र.753 सी वरील जालना-नाव्हा-सिंदखेड राजा रोडवरील येणारी व जाणारी वाहतूक व्यवस्था दि.23 जुलै 2025 रोजीचे सकाळी 4 ते रात्री 12 वाजेपर्यंत जड वाहतुकीच्या मार्गात बदल करण्यात आला आहे.
सध्याचा प्रचलित असलेला मार्ग अंबड चौफुली-कन्हैयानगर बायपास जालना-नाव्हा-सिंदखेड राजा मार्गे सुलतानपूर- मेहकरकडे जाणारी व येणारी वाहतुक दि.23 जुलै 2025 रोजी कन्हैयानगर जालना मार्गे देऊळगाव राजा-चिखली या पर्यायी मार्गाने वळविण्यात आली आहे. असे आदेश पोलिस अधिक्षक अजयकुमार बन्सल यांनी जारी केले आहेत.
-*-*-*-*-
