
आकार जिम्नॅस्टिक्सच्या तीन खेळाडूंची राष्ट्रीय स्पर्धेसाठी निवड..
कल्याण प्रतिनिधी : सर्व खेळाचा पाया असलेल्या जिम्नॅस्टिक्स या ऑलिम्पिक खेळ प्रकाराकडे खेळाडूंचा कल वाढत आहे. कल्याण जवळील बापगाव येथील आकार जिम्नॅस्टिक्स सेंटरमधील तीन खेळाडू ट्रॅम्पोलीन जिम्नॅस्टिक्सच्या चॅम्पियनशिप राष्ट्रीय स्पर्धेसाठी महाराष्ट्र संघात निवडले गेले आहेत. चिराग केणे (सब ज्युनीअर), अभिप्रीत विचारे (ज्युनिअर) आणि वार्या पाटील – टंबलिन (ज्युनिअर) हे तीन खेळाडू ८ ते १० ऑगस्ट दरम्यान डेहराडून मध्ये होणाऱ्या स्पर्धेसाठी हे खेळाडू कसून सराव करत आहेत.



