कबूतर जीवन रक्षक प्रेमी कबूतरांचा जीव वाचवण्यासाठी आपल्या इमारतीच्या टेरेसवर दाणा-पाणी ठेवा : भवानजी
मुंबई प्रतिनिधी #भाजपा चे वरिष्ठ हिंदुत्वनिष्ठ,नेते व मुंबईचे माजी उपमहापौर बाबूभाई #भवानजी यांनी म्हटले आहे की, कबूतरखान्यात दाणा टाकण्यास #मुंबईमहानगरपालिका ने स्थगिती दिल्याने कबूतरांचे संरक्षण करणे अत्यावश्यक झाले आहे. पर्यायी व्यवस्था होईपर्यंत सर्व संवेदनशील नागरिकांनी आपल्या-आपल्या इमारतींच्या टेरेसवर कबूतरांसाठी दाणा व पाण्याची सोय करावी.*
भवानजी म्हणाले की, मुंबईतील निवासी भागांमध्ये कबूतरखान्यांविषयी उच्च न्यायालयाच्या आदेशानंतर दादर (प.) येथील कबूतरखाना पालिकेने बंद केल्याने लाखो कबूतरांच्या अस्तित्वावर संकट आले आहे. त्यामुळे जीवदया प्रेमींमध्ये तीव्र संताप व असंतोष निर्माण झाला आहे. कबूतरांचे रक्षण करण्यासाठी सर्व जातिधर्मातील सनातनी हिंदू एकत्र आले आहेत.
भवानजी यांनी स्पष्ट केले की, “चिमणीला दाणा, कुत्र्याला भाकरी, जनावरांना चारा देणे ही भारताची ‘जगा आणि जगू द्या’ ही संस्कृती आहे. पृथ्वीवरील प्रत्येक सजीवाला जगण्याचा हा मूलभूत अधिकार आहे. एकमेकांना मदत करणे ही आपली संस्कार परंपरा, मानवतेचा धर्म व माणसाचे कर्तव्य आहे.”
भवानजी यांनी जीवदया प्रेमींना आवाहन केले की, आपल्या इमारतीच्या टेरेसवर कबूतरांसाठी दाणा-पाण्याची व्यवस्था करा. कबूतरांसाठी ज्वारीचे दाणे मिळविण्यासाठी मला मो. 9819851828 येथे संपर्क साधावा. कबूतरांचे प्राण वाचवणे हेच एकमेव उद्दिष्ट आहे.*
*त्यांनी सुचविले की, मुंबईच्या सभोवताली समुद्रकिनारे आहेत. #कोलाबा, नरीमन पॉईंट, #गिरगाव, माळबार हिल, हाजी अली, #वरळी, #दादर, #माहिम, #बांद्रा, #जुहू, #अंधेरी ते दहिसर, भाऊचा धक्का, रे रोड, #वडाळा ते वाशीपर्यंतच्या समुद्र किनाऱ्यावर नियोजनबद्ध पद्धतीने कबूतरांसाठी चबुतरे बांधावेत, जेणेकरून आपली परंपरा, संस्कार व धार्मिक भावना जिवंत राहतील.
नवीन चबुतरे तयार होईपर्यंत तात्पुरता मार्ग काढून सध्याच्या चबुतऱ्यांमध्ये कबूतरांना दाणा-पाणी देण्याची वेळ दुपारी 2 ते 4.3अशी निश्चित करावी. तसेच रेसकोर्स मैदान, नॅशनल पार्क व पवईच्या जंगलांमध्ये कबूतरांना दाणा देण्याची परवानगी मिळाल्यास पक्षीप्रेमींना मोठी सुविधा होईल आणि कुणालाही अडचण होणार नाही.
भवानजी यांनी हे ही सुचविले की, सर्व धार्मिक स्थळांवर, मंदिरात तसेच त्यांच्या इमारतींच्या छतांवर उपाशी-प्यासी कबूतरांना दाणा-पाणी उपलब्ध करून द्यावे. पुढे भवानजी म्हणाले की, दादरचा कबूतरखाना हा ब्रिटिशकालीन वारसा असून हेरिटेज म्हणून संरक्षित आहे. न्यायालयाच्या आदेशाचा आम्ही आदर करतो, मात्र अशा आदेशांमुळे कबूतरांचा जीव धोक्यात येणे पूर्णपणे अन्यायकारक आहे. या विषयावर महाराष्ट्र शासन व पालिका प्रशासनाने गांभीर्याने लक्ष द्यावे. #highlightseveryone
