जन्म / मृत्यु प्रमाणपत्रासाठी स्वयंघोषणा पत्रासाठी अफीडेव्हीट / नोटरीची अट रद्द करा.काँग्रेस माथाडी कामगारचे मराठवाडा सरचिटणीस सय्यद अश्फाक अली यांनी घाटी दवाखान्याचे अधिष्ठाता डॉ शिवाजी सुक्रे यांना निवेदन दिले
राज्य प्रतिनिधी- औरंगाबाद – घाटी दवाखाना शासकीय वैद्यकीय रुग्णालयामध्ये बाहेर जिल्ह्यातील/राज्यातील बाळांचा जन्म होतो व तसेच उपचार घेत असलेल्या रुग्णांचा मृत्यु देखील होतो. परंतु त्यांच्या जन्म / मृत्यु प्रमाणपत्रासाठी घाटी दवाखाना या कार्यालयाकडून स्वयंघोषणा पत्रासाठी अॅफीडेव्हीट / नोटरीची अट घालण्यात आली आहे. ज्यामुळे बाहेरील नागरीकांना अतिशय अडचण निर्माण होऊन जास्तीचा आर्थिक भुर्दंड सहन करावा लागत आहे. सदरील गोष्टीचा रुग्णालयाच्या परिसरातील दलाल लोक गैरफायदा घेऊन गोरगरीबाची आर्थिक लुटमार करत सुटले आहे.
अधिष्ठाता डॉ शिवाजी सुक्रे यांनी सदरील निवेदनाचा गांर्भीर्याने विचार करुन जन्म / मृत्यु प्रमाणपत्रासाठी स्वयंघोषणा पत्रासाठी अॅफीडेव्हीट / नोटरीची अट तात्काळ रद्द करावी अशी मागणी काँग्रेस माथाडी कामगाराचे मराठवाडा सरचिटणीस सय्यद अशफाक अली यांनी केली आहे.
