सार्वजनिक गणेशोत्सवानिमित्त तात्पुरती वीज संच मांडणीची उभारणी करताना खबरदारी घेण्याचे आवाहन
सांगली प्रतिनिधी सार्वजनिक गणेशोत्सवानिमित्त तात्पुरती वीज संच मांडणीची उभारणी करताना खबरदारी घ्यावी, असे आवाहन पुणे प्रादेशिक विद्युत निरीक्षण मंडळाचे अधिक्षक अभियंता यांनी प्रसिध्दीपत्रकाव्दारे केले आहे.शक्यतो तात्पुरती वीज संच मांडणीची उभारणी करण्यात येऊ नये. वीज संच मांडणीस कमीत कमी जोड असावेत. वीज संच मांडणीची उभारणी अधिकृत विद्युत ठेकेदार यांच्याकडूनच करण्यात यावी. लोखंडी साहित्य वापरुन स्टेज उभारणी केल्यास धातूच्या भागास सक्षम भुसंबंधन / अर्थिंगशी जोडण्यात यावे. वीज संच मांडणीस अर्थ लिकेज सर्किट ब्रेकर अथवा तत्सम उपकरणाची (स्वीचगिअर) ची जोडणी करण्यात यावी. गणपती विसर्जन मिरवणुकमध्ये / शोभा यात्रा गाड्यांची उंची नियमानुसार राखावी जेणेकरुन उघड्या वीज वाहिनीच्या संपर्कात येणार नाही. वीज संच मांडणीवर क्षमतेपेक्षा जास्त भार (लोड) जोडण्यात येऊ नये. संच मांडणी सहजासहजी लहान मुलांच्या संपर्कात येणार नाही याची खबरदारी घ्यावी, असे प्रसिध्दी पत्रकात म्हटले आहे.
00000
