महाबँक ग्रामीण स्वयंरोजगार प्रशिक्षण केंद्रातर्फे राणीउंचेगाव येथे एकदिवसीय शेतकरी मेळावा संपन्न
जालना, प्रतिनिधी : महाबँक स्वयंरोजगार प्रशिक्षण केंद्रातर्फे आज दि. 25 ऑगस्ट रोजी राणीउंचेगाव येथे एक दिवसीय शेतकरी मेळावा संपन्न झाला.या एक दिवसीय शेतकरी मेळाव्यात केंद्र आणि राज्य शासनाच्या बँके मार्फत राबावण्यात येणाऱ्या विविध योजनांची माहिती देण्यात आली. या कार्यक्रमाच्या माध्यमातून शेतीस पूरक जोड धंदे वाढवण्याचा हा एक प्रयत्न आहे असे श्री मंगेश केदार यांनी यावेळी सांगितले.
मेळाव्यास प्रमुख पाहुणे म्हणून जालना जिल्हा अग्रणी बँकेचे व्यवस्थापक मंगेश केदार उपस्थित होते. तसेच महाबँक स्वयंरोजगार प्रशिक्षण केंद्रातर्फे संचालक गिरीश सुलताने, प्रशिक्षक दाभाडे उपस्थित होते. कार्यक्रमाचे नियोजन श्रीमती अनुराधा बोराडे आणि कमलेश भुरेवाल यांनी केले. या मेळाव्यात प्रशिक्षणार्थी आणि गावकरी यांची उपस्थिती होती.
