मा.आ.कैलास गोरंटयाल आज गुरु गणेश भवनमध्ये स्वीकारणार शुभेच्छा
जालना (प्रतिनीधी) जालन्याचे माजी आमदार तथा भाजपा नेते कैलास गोरंटयाल हे त्यांच्या वाढदिवसा निमित्त आज गुरुवार दि.९ एप्रिल रोजी शहरातील गुरू गणेश भवनमध्ये सकाळी ११ ते दुपारी ४ या वेळेत उपस्थीत राहून पदाधिकारी, कार्यकर्ते आणि हितचिंतकांच्या शुभेच्छा स्वीकारणार आहेत.
सकाळी ९ वाजता छत्रपती शिवाजी महाराज पुतळा परिसरात असलेल्या पाताल हनुमान मंदीरात दर्शन आणि आरती करण्यात येणार असून त्यानंतर ९.३० वाजता रामतीर्थ स्मशान भूमीमध्ये विविध विकास कामांचा शुभारंभ करण्यात येणार आहे.सकाळी १० वाजता पांजरापोळ गौशाळेत गोमातांना चारा देणार आहेत.तेथेच गुळतुला व रक्तदान शिबिरास उपस्थिती, १०.३० वाजता कन्हैय्यानगर येथील श्री कृष्ण हिंदी विद्यालयातील विद्यार्थ्यांना शालेय साहित्याचे वाटप माजी आमदार कैलास गोरंटयाल यांच्या हस्ते होणार आहे.१०.३० वाजता कडबी मंडी येथे मिठाई वाटपाचा कार्यक्रम होणार असून त्यानंतर १०.४५ वाजता मोदीखाना भागातील दक्षिण हनुमान मंदिर येथे फळतुला कार्यक्रमास उपस्थिती, सकाळी ११ वाजता गुरू गणेश अंध विद्यालयातील विद्यार्थ्यांना स्नेह भोजन व पादत्राणे वाटप करण्यात येणार असून त्यानंतर सकाळी ११ ते दुपारी ४ या वेळेत श्री गोरंटयाल हे उपस्थीत राहून जालना विधानसभा मतदार संघातील पदाधिकारी, कार्यकर्ते, व्यापारी, व्यावसायिक, विविध क्षेत्रातील पदाधिकाऱ्यांच्या शुभेच्छा स्वीकारणार आहेत. दरम्यान, यावर्षी मा.आ.कैलास गोरंटयाल हे वाढदिवशी हार, पुष्पगुच्छ, शाल स्वीकारणार नाहीत. त्या ऐवजी गणवेश,वही,पेन आदी शैक्षणिक साहित्य भेट म्हणून स्वीकारणार असून सदर साहित्य मनपा शाळेतील गरीब व गरजू विद्यार्थ्यांना वाटप करण्यात येणार असल्याचे युवा नेते नगरसेवक अक्षय गोरंटयाल यांनी म्हटले आहे.
