पंडित दीनदयाळ उपाध्याय रोजगार मेळावा 24 एप्रिलला

 सांगली, प्रतिनिधी : जिल्हा कौशल्य विकास, रोजगार व उद्योजकता मार्गदर्शन केंद्र, सांगली व हिंदुस्तान नायलॉन, मिरज यांच्या संयुक्त विद्यमाने हिंदुस्तान नायलॉन्स, सी-23, एमआयडीसी, मिरज येथे शुक्रवार, दिनांक 24 एप्रिल, 2026 रोजी, सकाळी 10 ते दुपारी 1 या वेळेत पंडित दीनदयाळ उपाध्याय रोजगार मेळाव्याचे आयोजन करण्यात आले आहे. या मेळाव्याचा जिल्ह्यातील जास्तीत जास्त सुशिक्षित बेरोजगार उमेदवारांनी लाभ घ्यावा, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राच्या सहायक आयुक्त इनुजा शेख यांनी केले आहे.  या रोजगार मेळाव्यामध्ये सांगली जिल्ह्यातील हिंदुस्तान नायलॉन्स, मिरज यांच्याकडील व्हीएमसी /सीएनसी मशीन ऑपरेटर-10, टर्नर-10, फिटर-10, प्लास्टिक मोल्डर्स-10, हेल्पर्स -10 इत्यादी पदांसाठी तसेच बसाप्पा फुड्स, मिरज यांच्याकडील चीफ अकाऊटंट-1,फॅक्टरी सुपरवायझर-1, डीस्पॅच टीम -3, कॅशिअर-4, हाऊस किपिंग टीम-4, पि.आर.ओ-2 इत्यादी पदांसाठीची भरती आहे. अंदाजे पगार किमान 8 ते कमाल 25 हजारांपर्यंत आहे. यासाठी दहावी, बारावी, आय टी आय, डिप्लोमा, ग्रॅज्युएट, पोस्ट ग्रॅज्युएट या प्रकारची शैक्षणिक पात्रता असणाऱ्या रोजगार इच्छुक उमेदवारांसाठी सदर 2 उद्योजकांकडे प्रत्यक्ष मुलाखती घेण्यात येणार आहेत.

उमेदवारांनी मेळाव्यास मुलाखतीस येताना आपली सर्व मूळ कागदपत्रे, पासपोर्ट साईज फोटो आणि बायोडाटाच्या किमान तीन छायांकित प्रती सोबत घेऊन याव्यात. अधिक माहितीसाठी, जिल्हा कौशल्य विकास, रोजगार व उद्योजकता मार्गदर्शन केंद्र, मध्यवर्ती प्रशासकीय इमारत, तळमजला, विजयनगर, सांगली या कार्यालयाशी ०२३३ २९९०३८३ या दूरध्वनी क्रमांकावर संपर्क साधावा, असे प्रसिध्दी पत्रकात म्हटले आहे.

00000