औषध विक्रेत्यांच्या संपाबाबत नागरिकांना आवाहन
जालना, प्रतिनिधी : अखिल भारतीय औषध विक्रेता संघटनेच्या वतीने दि. २० मे, २०२६ रोजी देशव्यापी संप पुकारण्यात आल्याची माहिती अन्न व औषध प्रशासन विभागाला दिली आहे. या संपामध्ये संघटनेचे सभासदांनी सहभागी होवू नये याबाबत त्यांना पत्राद्वारे विनंती करण्यात आली आहे. तथापि, नियमित औषधांची आवश्यकता असलेल्या रुग्णांनी व त्यांच्या नातेवाईकांनी संभाव्य गैरसोय टाळण्यासाठी आवश्यक औषधांचा आगाऊ साठा करून ठेवावा. संपाच्या कालावधीत गरजू रुग्णांना औषधे उपलब्ध न झाल्यास किंवा अत्यावश्यक औषधांची गरज भासल्यास नागरिकांनी अन्न व औषध प्रशासन कार्यालयातील सहाय्यक आयुक्त (औषधे) श्री. जी. डी. जाधव (83790 16068) यांच्याशी संपर्क साधावा, असे आवाहन जी.डी. जाधव सहायक आयुक्त (औषधे) अन्न व औषधा प्रशासन यांनी केले आहे.
****
