विधान परिषद निवडणूक : लातूर जिल्ह्यात ३६७ मतदार बजाविणार हक्क• सकाळी ८ ते दुपारी ४ वाजेपर्यंत मतदानाचा कालावधी• संबंधित तालुकास्तरावर मतदान केंद्र; प्रशासन सज्ज
लातूर, प्रतिनिधी उस्मानाबाद-लातूर-बीड विधान परिषद स्थानिक स्वराज्य संस्था मतदारसंघ द्विवार्षिक निवडणुकीसाठी गुरुवार, १८ जून २०२६ रोजी सकाळी ८ ते दुपारी ४ वाजेपर्यंत मतदान होणार आहे. यासाठी प्रत्येक तालुकास्तरावर मतदान केंद्रांची निर्मिती करण्यात आली असून जिल्ह्यातील ३६७ मतदार यावेळी आपला हक्क बजाविणार आहेत. मतदान प्रक्रिया भयमुक्त आणि पारदर्शक वातावरणात पार पाडण्यासाठी प्रशासकीय यंत्रणा सज्ज झाली आहे.
रेणापूर येथील तहसील कार्यालयातील मिटिंग हॉल (२५ मतदार), अहमदपूर येथील तहसील कार्यालयातील निवासी नायब तहसीलदार यांचे दालन (३५ मतदार), जळकोट येथील तहसील कार्यालयातील मिटिंग हॉल (२३ मतदार), चाकूर येथील तहसील कार्यालयातील मिटिंग हॉल (२५ मतदार), लातूर येथील तहसील कार्यालयातील महसूल हॉल (८८ मतदार), उदगीर येथील प्रशासकीय भवन इमारतीतील तळ मजला खोली क्र. २ (५३ मतदार), शिरूर अनंतपाळ येथील तहसील कार्यालयातील व्ही. सी. रूम (२२ मतदार), देवणी येथील तहसील कार्यालयातील मिटिंग हॉल (२३ मतदार), औसा येथील तहसील कार्यालयातील मिटिंग हॉल (३६ मतदार) आणि निलंगा येथील तहसील कार्यालयातील महसूल हॉल (३७ मतदार) येथे मतदान केंद्रांची निर्मिती करण्यात आली आहे.
***
