आईस्क्रिम म्हणून फ्रोझन डेझर्टचा वापर;ज्युस सेंटरवर कारवाई
छत्रपती संभाजीनगर, प्रतिनिधी- आईस्क्रिम मधून फ्रोझन डेझर्टया प्रतिबंधित पदार्थाचा वापर आणि ज्युस साठी मुदतबाह्यसाठ्याचा वापर करणाऱ्या ज्युस सेंटर्सवर गुरुवारी (दि.२) अन्न औषध प्रशासन विभागाच्या पथकाने कारवाई केली.
गुरुवारी (दि.२) रोजी अन्न सुरक्षा अधिकारी श्रीमती वर्षा रोडे, प्रशांत अजिंठेकर, फरीद सिद्दीकी व कीर्तिका झाडे यांच्या पथकाने पैठण गेट परिसरातील मे. लकी ज्युस सेंटर, मे.फ्रेश ज्युस सेंटर, मे.न्यू लकी ज्युस सेंटर येथे अचानक जाऊन तपासणीकेली. या ठिकाणी पास्चुराइज्ड होमोजनाइज्ड टोनड दूध व अल्फान्सो मैंगो पल्प या अन्नपदार्थ चा मुदतबाह्य साठा ज्यूस तयार करण्यासाठी वापरण्यात येत असल्याचे निदर्शनास आले. तसेच आईस्क्रीम म्हणून फ्रोझन डेझर्टचा वापर करण्यात येत असल्याचे निदर्शनास आले.या दुकानांवर कारवाई करण्यात आली असून परवाने निलंबीत करण्यात आले आहेत, तसेच जप्त केलेले साठे नष्ट करण्यात आले आहेत,असे सह आयुक्त अन्न श्रीकांत करकळे यांनी कळविले आहे.
०००००
