‘बाळासाहेबांच्या न्यायाचा धडा घेत CM ठाकरे राजीनामा देणार का?’ भाजपा नेते नीतीश राणे यांचे ट्विट
मुंबई प्रतिनिधी
मागील काही दिवसांपासून राज्याचे राजकीय वातावरण चागलचं ढवळलं आहे. राज्यात कारवाईचा सपाटा सुरू असताना ठाकरे कुटुंबीयांचे निकटवर्तीय आता ईडीच्या (ED) रडारवर आहेत. मुख्यमंत्री उद्धव ठाकरे यांचे मेहुणे व रश्मी ठाकरे यांचे सख्खे भाऊ श्रीधर पाटणकर यांच्यावर ईडीने कारवाई केली आहे. त्यामुळे विरोधकांनी ठाकरे सरकारवर निशाणा साधला आहे. दरम्यान, आता भाजपाचे नितेश राणे यांनी ट्विट करत मुख्यमंत्री उद्धव ठाकरेंवर हल्लाबोल केला आहे.
यात ते म्हणतात, इतिहास सांगतो की, मनोहर जोशी यांच्या मुलावर भ्रष्टाचाराचे आरोप झाल्याने हिंदुह्रदयसम्राट बाळासाहेब ठाकरे यांनी जोशी यांना मुख्यमंत्री पदाचा राजीनामा द्यायला सांगितला होता. आज उद्धव ठाकरे मुख्यमंत्री आहेत आणि त्यांच्या मेहुण्यावर भ्रष्टाचाराचे आरोप झालेत. हाच नियम इथे लागू होतो, की शिवसैनिकांचे नियम वेगळे आहेत? असा सवाल नितेश राणेंनी उपस्थित केला आहे.
