आरे रोड 24 तासांसाठी बंद, मेट्रो कारशेडसाठी झाडं कापायला सुरुवात?
आरे रोड 24 तासांसाठी तात्पुरता बंद करण्यात आला आहे. MMRC आणि MCGM द्वारे सुरू असलेल्या विविध कामांसाठी हा रस्ता तात्पुरता बंद केला आहे, अशी माहिती मुंबई वाहतुक विभागाकडून देण्यात आली आहे.
आरे रोड आज दुपारी 12 ते उद्या दुपारी 12 म्हणजे 24 तासांसाठी तात्पुरता बंद करण्यात आला आहे. MMRC आणि MCGM द्वारे सुरू असलेल्या विविध कामांसाठी हा रस्ता तात्पुरता बंद केला आहे. तरी या मार्गावरील पवई आणि मरोळला जाणारी वाहनं JVLR रस्त्याने वळवल्याची माहिती मुंबई वाहतुक विभागाकडून देण्यात आली आहे.
या दरम्यान मेट्रो कारशेडसाठी झाडं कापयला सुरुवात केल्याची शक्यता वर्तवण्यात येत आहे. उपमुख्यमंत्री देवेंद्र फडणवीस यांनी आरेतील मेट्रो प्रकल्पासाठी नव्याने झाडे कापावी लागणार नाहीत, असे म्हटले होते. पण 24 तास आरे रोड बंद म्हणजे आता परिसरात झाडे कापण्यासाठी रोड बंद केला आहे का असा सवाल उपस्थित होत आहे.
आरे वाचवाच्या एल्गारात आता आम आदमी पक्षही उडी घेतली आहे. तर मनसे अध्यक्ष राज ठाकरे यांचे पूत्र अमित ठाकरे देखील आरे बचाव मोहमेसाठी मैदानात उतरले आहेत. ‘आरे’ कारशेडबाबत ‘नव्या उपमुख्यमंत्र्यांनी (पुनर्विचार करावा’, अशी मागणी करणारी पोस्ट अमित ठाकरेंनी केली होती. म्हणजेच राजकीय मतभेद असले तरी आरे वाचवण्यासाठी ठाकरे पुत्र पुढे आले आहेत. देशभरात आरे वाचवा चा एल्गार बघता आरे संरक्षणाचा हा वाद शिगेला पेटण्याची शक्यता नाकारता येणार नाही
