महाराष्ट्र काँग्रेसमध्ये आता प्रदेशाध्यक्ष नाना पटोले यांना पदावरून हटवण्याची मागणी शिवाजीराव मोघे यांना नवे अध्यक्ष करण्याची मागणी…
महाराष्ट्र प्रतिनिधी
काँग्रेस प्रदेशाध्यक्ष नाना पटोले यांच्यावर दुफळी निर्माण करून दलित मुस्लिम आणि आदिवासींना वेगळे केल्याचा आरोप होत आहे. पुढील प्रदेशाध्यक्ष आदिवासी समाजातील असावा, अशी मागणी काँग्रेस नेत्यांनी पक्ष निरीक्षक रमेश चेन्निथला
महाराष्ट्र काँग्रेसमध्ये आता प्रदेशाध्यक्ष नाना पटोले यांना पदावरून हटवण्याची मागणी होत आहे. नाना पटोले यांना पदावरून हटवून त्यांच्या जागी शिवाजीराव मोघे यांना नवे अध्यक्ष करण्याची मागणी 24 काँग्रेस नेत्यांनी केली आहे. काँग्रेस प्रदेशाध्यक्ष नाना पटोले यांच्यावर दुफळी निर्माण करून दलित मुस्लिम आणि आदिवासींना वेगळे केल्याचा आरोप होत आहे. पुढील प्रदेशाध्यक्ष आदिवासी समाजातील असावा, अशी मागणी काँग्रेस नेत्यांनी पक्ष निरीक्षक रमेश चेन्निथला (Ramesh Chennithala) यांच्याकडे केली आहे.
त्यांच्यामुळेच काँग्रेसची प्रमुख व्होट बँक असलेल्या दलित, मुस्लिम आणि आदिवासींनी पक्षाशी फारकत घेतल्याचा आरोप नाना पटोले यांच्यावर करण्यात आला आहे. नाना पटोले पक्षात मनमानी करत आहेत. आता काँग्रेसमध्येही नानागिरी सुरू असल्याचा दावा शिवाजीराव मोघे यांच्या समर्थकांनी केला आहे. पक्षाच्या बैठकीत नाना पटोले कोणाचेही ऐकत नाहीत, असा गंभीर आरोप विदर्भातील 24 नेत्यांनी केला आहे
त्यामुळे पटोले यांना प्रदेशाध्यक्षपदावरून हटवून आदिवासी नेते शिवाजीराव मोघे यांना प्रदेशाध्यक्ष करण्याची मागणी पक्ष निरीक्षक रमेश चेन्नीथला यांनी केली आहे. अशा परिस्थितीत आता रमेश चेन्निथ याबाबत काय निर्णय घेणार याकडे सर्वांचे लक्ष लागले आहे. काँग्रेस कमिटीचे सचिव रहमान खान नायडू, प्रदेश काँग्रेस कमिटीचे सदस्य प्रकाश मुगडिया, सरदार महेंद्रसिंग सलुजा, इकराम हुसेन आणि अन्य 21 अधिकाऱ्यांनी मुंबईत रमेश चेन्निथला यांची भेट घेतली.
