क्रीडा विभागाच्यावतीने ठाण्यात 21 जून रोजी आंतरराष्ट्रीय योग दिवसाचे आयोजन..

 

 

        ठाणे,) :- शारीरिक आणि अध्यात्मिक विकासासाठी योगाचे महत्त्व विचारात घेऊन प्रतिवर्षी आंतरराष्ट्रीय योग दिवस 21 जून रोजी साजरा करण्यात येतो. यानिमित्त येत्या 21 जून 2024 रोजी ठाण्यातील कोपरी येथील तालुका क्रीडा संकुलात सकाळी 7.00 वाजता योग दिनाचे कार्यक्रम साजरा करण्यात येणार आहे. या कार्यक्रमास उपस्थित राहण्याचे आवाहन जिल्हा क्रीडा कार्यालयाकडून करण्यात आले आहे.

 

संयुक्त राष्ट्रसंघाने 21 जून हा दिवस आंतरराष्ट्रीय योग दिन म्हणून घोषित केला आहे. प्रतिवर्षी 21 जून हा दिवस ठाणे जिल्ह्यात मोठ्या प्रमाणात साजरा करण्यात येतो. यंदाही क्रीडा व युवक सेवा संचालनालय महाराष्ट्र राज्य पुणे अंतर्गत जिल्हा क्रीडा परिषद व जिल्हा क्रीडा अधिकारी कार्यालय ठाणे यांच्या संयुक्त विद्यमाने हा कोपरी येथे दि. 21 जून 2024 रोजी सकाळी 7.00 वाजता तालुका क्रीडा संकुल बारा बंगला जवळ कोपरी ठाणे (पूर्व) येथे जिल्हाधिकारी अशोक शिनगारे यांच्या उपस्थितीत आंतरराष्ट्रीय योग दिवस साजरा करण्यात येणार आहे, असे जिल्हा क्रीडा अधिकारी कार्यालयाच्या वतीने कळविण्यात आले आहे.

 

0000000000